بنات انا ماكتبت لكم الا بعد ماااا عجزت مع اخت زوجي مع اني ما عمري رديت عليها
اسكت واقول يمكن تحس على دمها وتبطل حركتها
اقوولكم وش تسوي
انا ما امدح بعيالي لكن الحمدلله من الله هادين بسم الله عليهم ومؤدبين وحااالهم حال نفسهم
مستحيل احد يجي يقول ولدك ضرب فلان او علان والحمدلله
من فتره كنا عند ناس من جماعة اهل زوجي
وولدي معاي كلن يبوس فيه ويسولف معه قالت صاحبة البيت لاخت زوجي
وولدك ماجبتيه .. قالت لها بيتعبني الله يصلحه تركته مع خالاته هي اولادها شوي حركين ويدينهم طويله على الناس
قالت صاحبة البيت اي الله يهديه مدري طالع على مين
قامت اخت زوجي بدووون اي مقدمات التفت لي وقالت صح يافلانه هو متغير من يوم صار يطلع عندكم اولادك يسوون كذا وكذا وقامت تقول طبايع ولدها
وتقول حتى اغاني صار يسمع يقول خاله تسمعها ولدها عمره خمس وولدي ست سنين
انا صرت كذاا
مارديت عليها من الصدمه قلت لأ بس وجت سالفه قطعتها
البارح ولدها الصغير مشتغلنا على العشاء حذف بالجزم الله يكرمكم
الا جراتنا تقول اشفيه وولدك يافلانه
ردت عليها وقالت "" اسم ولدي " انه قبل شوي ولدها يحذف عليه وولدي يضحك فتعلم هالحركه واستانس عليها
والله يابنات ما اظلمها ولدها من شهر وزوود متأذين اهلها من حركة الحذف الي هاااب فيها وهو عمره سنه ونص
انا اللقمه نشبت بحلقي يوم سمعت ردها وضحكت بنفسي سبحان الله
وش تحس فيه هذي يوم انها ترمي عيوب اولادها على اولادي وخاصه ولدي هذا الاوسط
هالتصرف وش ممكن يكون سببه
ثاانيا شلون ارد عليها انا من صدمة المواقف ما اعرف ارد اسكت
ودي اني ادافع عن اولادي بعد قلبي تخرب سمعتهم كذاااا مع انهم الله يحفظهم معروفين بأدبهم وهدووئهم
وودي برد مختصر يوقفها عند حدها وماتتكلم فيهم
الله يفرج همك