شلون الرجال يكره زوجته ؟!!

السلام عليكم ورحمة الله وبركاته

بتكلم على طول مافيه مجال للمقدمات 😭
الي تعرفني زين والي ماتعرفني بعرفكم بنفسي بشكل مختصر
انا كنت متزوجه لمدة خمس سنوات وتوفى زوجي ابو اطفالي الله يرحمه ويغفر له ويجمعني فيه في جنات النعيم . وبعد وفاة زوجي حصلت ظروف وضغط كبير علي وقدر الله وتزوجت وقبل عقد القران كلمت الرجال وقلتله اني ما ابي اطفال وبعض الشروط وقال انا موافق وتم عقد القران وتزوجنا .
الرجال مختلف عن زوجي الاول في كل شي مافيه ولا شي واحد نفس الصفات وانا ماعندي اعتراض فاهمه ان كل انسان له صفاته وشخصيته لكن اقولكم عشان تكونون في الصوره المهم الرجال طيب ويحاول تكون حياتنا طبيعيه بس انا ماقدرت عجزت اعامله كانه ضيف ماكانه زوجي علاقتي فيه رسميه يعني ما اخذ راحتي عادي زي مع زوجي واهلي لا عجزت تعبت واحياناً الاحظ اني اعامله بجفاف واتضايق احس انه حرام وعلي ذنب وافكر اعدل نفسي واصير لطيفه معه واكلمه زين بس اول ما اتكلم معه بشكل لطيف اتذكر زوجي احس اني اخونه او شي مدري وشلون اوصفه لكم احساس غريب شي مدري وش اقولكم اقسم بالله حالتي تكسر الخاطر بس افكر افكر افكر طول الوقت وكل هالتفكير مايفيدني بشي والله اتعوذ من الشيطان على طول بس خلاص احس ما اقدر اتحمل لدرجة اني قلت لامي ابي اتطلق ما اتحمل واذا جلست مع نفسي وفكرت اقول ما ابي اصير مطلقه عشان نظرة الناس الشينه للمطلقه مدري وش ابي انا احترت في نفسي لاحول ولاقوة الا بالله 😢