شلون قدرتوا تتزوجون ؟ اللي تتزوج هذي قويه !! انا ما اقدر .. اخاف .. ساعدوني :(

السلام عليكم .
من الاخيركذا .. شلون قدرتوا تتزوجون ؟ انا من يجي طاري العرس .. يضيق صدري..
انا عمري 20 والحمد لله مو ناقصني شي .. ودي طول عمري اعيش عند اهلي مع ان الكل يقولون اهلك ماراح يقعدون لك طول العمر لابد من الزواج .. بس انا آخاااف من الزواج .. احس اني ماراح اتوفق .. احس ان حياتي بتصير غثى وشقى وتعب .. وكلها مشاكل .. مع ان امي وابوي وكل اللي متزوجين حولي .. ما احد عنده مشاكل ولله الحمد .. مدري من وين جتني هذي المخاوف .. يمكن من النت ؟ والمنتدى ؟ والمشاكل اللي اقراها ؟
انا اذا شفت المتزوجات .. اقول يا قويهم ..شلوون تزوجوا .. وغامروا .. واقدمو على هذي الخطوه ؟؟؟؟
انا ودي اكمل دراستي .. واشتغل اذا تخرجت .. وانبسط واوسع صدري ولا يصير عندي مسؤليات ولا شي ..
يمكن اكثر شين مخوفيين : 1- شلون بشيل المسؤوليه .. احس اني مو قدها!!
والثاني كيف راح اعيش مع انسان ما اعرفه هل راح اتأقلم معه .؟؟ بتفاهم انا وياه؟؟ بيقدرني .؟ بيحترمني ؟ بيحط لي قيمه ؟ بيتقبلني .؟ ؟ كيف اعيش معه تحت سقف واحد وانا مااااا اعرفه ؟ كيف بترك اهلييي ؟ انا تقريبا اكبر وحده ..
اللي خلا هذي المخاوف تكبر اكثر انو فيه مشروع خطبه .. بس انا ما ابيييييييي .. خااااااااااااااايفه ..
هل جتكم هذي المخاوف زيي ؟ جتكم هذي الحاله ؟
احس اني لو بتزوج الحين .. بقبر عمري .. مدري احس بدري على الزواج والمسؤليات ؟؟؟؟

ساعدوني تكفووون .. اذكروا تجاربكم اذا كنتوا مريتوا بنفس حالتي ..

اول مر اطلع هذي الافكار اللي براسي .. ياااااااااارب سهل يااااااارب
ورجاااااااااااءا اللي بتعلق على كلامي بشي يضيق الصدر .. تقفل الموضوع ولا ترد .. وربي مو ناقصه