شنو العجينه السوده هل هي سحر ؟

السلام عليكم ورحمة الله وبركاته

خواتي ما ابي اطول بس في شيءغريب ماني عارفته

جبت لي عامله إلي ينظفون البيت باليوم او يومين المهم اول يوم نامت عندي المشكله اعرفها وتصلي وتقيم الليل تلبس دلاغات برجها ماتبين وتلبس دسوس بدينها ماتبين
وهي من الجنسيه الصوماليه على كلامها
المهم ذيك الليله نامت عندي وذيك الليله سبحان الله قريت سورة البقره في البيت
ونمت قمت على صلاة الفجر قلت بروح اتوظى ولما اخلص بقعدها علشان تصلي طلعت من غرفتي لقيتها بالحمام وانتم بكرامه فرحت قلت ماشاء الله قامت تصلي شي طيب

ناديتها واستعجلتها ابيها تطلع ماطول
طلعت من الحمام ودخلت وراها فلقيت الفتحه الي بالارض المشخال الي عليه غطا إلي يجي مثله بالمطبخ على الارض نسرب فيه الماي لقيت فيه شي اسود مثل البودره
استغربت قلت يمكن حاطه حنا لاني فالليل انا عطيتها حنا بقا من الي عاجنته
فقلت يمكن حطت فلليل وغسلته قبل شوي

سكت ماهتميت
لما طلعت رحت اصلي وبالي مشغول في هالبودره صليت وهي لقيتها بتسكر بابها فناديتها وقلت انتي حطيتي حنا قالت لا (( يابنات ياريتها قالت اي والله جان ارتاح ))
قلت لها اجل شنو هالحنه الي بالحمام قالت مدري انا ماحطيت حنا وانتي قلتي ماتحطين (( صح يابنات انا قلت لاتحطين لانها اذا حطت روح تنشغل بالحنا وتترك الشغل وبعده بتغسله من راسها والوقت هذا من حقي لانها تاخذ على اليوم الواحد 200 ريال قلت اخذيه وحطيه عندج بالبيت ))
بس ذاك اليوم لو قالت لي انها حاطه جان ارتحت مافكرت ان هذا سحر

المهم شكيت فيها
وخلصت اذكاري ودشيت الحمام وانتم بكرامه ففتحت الغطى مال البلوعه الي فيها مشخال
فوجدت عجينه سوده مثل الحنا فجبت الهوز وفتحت عليها الماي مايروح ومافي ريحة حنا
احاول تروح لاصقه ابدا ماتمشي
فجبت الكلوركس والفرشاه ففركته وحطيت عليه الكلوركس لين مشا .

الحين سؤالي ليش سوت هذا هل هو حنا او سحر بس على فكره رحت شفت الحنا الي عطيتها لقيته ماخذت منه شي

تتوقعون شنو هذا ؟؟؟؟؟