شنو رايكم بالعمه الي تبي تمتلك بنتك

أختي **ام عبووود**،،،،،نفس مشكلتي بالضبط ما نقص منها ولا حرف، كاني انا اللي اتكلم.....
لما اروح بيت اهلي يوم الجمعة البيبي يظل بس يصيح حتى اهلي يقولون لي شهرين وما يضحك؟؟ولما اقول لهم يضحك في البيت يقولون لي اكيد مابيضحك معانا لانه مايشوفنا، ما يدرون اني انا ما اخذه الا بس في الليل،لما اروح بيت اهلي احس بالاستقلالية امي تحسسني اني فعلا ام تخليني انا اللي احمم البيبي واقعده كل ساعتين وارضعه، ولا كل كلمة والثانية ام زوجي تعيرني بالرضاعة الطبيعي، والله ما خليت مستشفى مارحتها علشان ارضع يقولون لي جسمك ما يساعدك بنعطيك حبوب لكن ليها مساوئ في المستقبل ارفضها.وتقول لي لا تطلعين بالولد روحي بيت اهلك لوحدك لاتحمليه!!!!:42:
هي اللي تحدد وقت نومه، اللبس اللي لازم يلبسه، مرة من المرات لبسته بجامه جديده في الليل قالت لي شو فهم الرضيع لسوالف البيجامات وغيرها؟لبس واحد في اليومي يكفي لا تغيره!!!!؟
استخدمت عطر خاص للاطفال احطه في ثيابه قبل ما يلبسهم بيوم تقول لي ناويه تخنقي الولد........:(
احترت والله واتمنى يطلع لي بيت خاص فيني ماحد يتحكم فيني

يارب يهدي النفوس

ومن رأيي جربي معاها طريقه اتوقع بتفيد باذن الله

صادقيها

اذا علقت بشي قولي لها صح كلامك يا عمتي

ومنك نستفيد

واذا ما ودك تصحي بنتك مثلا لا تخليها عندهم نايمه

بالنهار او بالليل خليها بالغرفه عندكم او بغرفتها اذا لها غرفه

واذا سالت عنها ردي عليها بكل ذوق وطيبه ولو ان ودك تعضيها

قولي انها تو نامت واجلسي قصي لها قصة سهرها وغيري اتجاهها لاي

شي ثاني بالسوالف

ومن ناحية روحتك لاهلك لو مثلا قالت لا خلوها عندي

قولي لها خلاص اذا انتي اليوم نفسك تجلس معاك اجل بأجل روحتي لاهلي

لانهم دايم يسألون عنها

وانا ما ارتاح بالجلسه الا لما تكون معي وقولي هالحكي بحنيه ورواق

مو وانتي معصبه

عشان اذا شافتك بتأجلي طلعتك اول شي يمكن تخجل من نفسها وتخليها

وتري انك فيها فيها يعني ما حترضين تطلعين بدونها ابدا

لازم من البدايه توضحي هالامر بس بأسلووووووووووووب

لان ام الزوج مسكينه تفكير بعضهم محدود

وصدقيني اي شخص مهما كانت اخلاقه وتربيته ونفسيته مو حلوه

الا انه يلين ويخجل قدام الشخص الذوق الطيب

ولا تنسين هذي أم الغالي

ههههههههههههههههه

والا انا غلطانه

لي رجعه

الصراحة
الي يعينك .........ان شاء الله يطلع لكم بيت وتربي بنتك علي مزاجك

ام عبود
قصدك ام زوجك " خالتك "
عاد المفروض تصيرين مبسوطه انها تريحك شوي وتاخذها عنك تفضين لعمرك ولزوجك وتخشين عنترنت شوي خخخخ

بخصوص تغير التربيه وان الي تسوينه مايعجبها شي طبيعي بسبب تغير الاجيال
بس لا تقولين انها قطت عيالها وش دراك فيها شفتي شي بعينك !! لا تقولين شي ربي يرده عليك ويحاسبك عليه

فيه الي ولدها البكر تربيه جدته والباقي هي تربيهم مافيها شي دامهم في بيت واحد ماراح تضر البنت ولا تاكلها يختي كم باقي لها من العمر اصلا ً

بخصوص بنتك المفروض يكون نومها بالليل يعني خلي جدتها تقومها بنهار علشان تنام لك بالليل نظمي نومها اريح لك

ووسعي صدرك وتعوذي من ابليس وربي يهدي سرك :26:


..
.

صدق والله حاله تحزن خلاص مهب هي ربت عيالها تترك دور التربيه لصاحبته حتى لوهي ما ربت عيالها
والمسؤليه على امه اللى تعبت عليه بالدرجه الاولى ....... لاكن اغلب كبار السن يحبون ينصحون حتى يعوضون اللى في انفسهم لانهم يشوفون انهم فقدو هذا الدور فمن رايي ان نعاملهم بذوق واخلاق .......... وهم بيحسون باللى هم يسوونه
الله يعين