شورو علي انا صح ولا غلطانه؟؟

السلام عليكم ورحمة الله وبركاته
كل عام وانتم بخير تقبل الله منا جميعا يارب

مابلف ولا بدور
بدخل بالموضوع على طول وتكفوووووون عطوني رايكم بصراحه لانه بخلي زوجي يشوف ردودكم سواء كنتو ضدي او معاي

انا شهر 3 سكنت عند بيت اهل زوجي وهذا ان شاءالله اول عيد لي معاهم بنفس العمارة او بالاصح الباب عالباب

وعلاقتي معاهم ولله الحمد مرررررة حلوة مابيننا ولا شي

بس قبل رمضان عمتي ام زوجي لانه بيتهم صغير شوي قالت لو جونا ضيوف برمضان بنقلطهم ببيتكم بالبداية مارضيت قلت لزوجي لانه خايفه البيت ينحاس بالذات انه انا فارشه البيت كله موكيت وفخم وماابغاه ينعدم زوجي قال ضيوف ابوية رجال وعيب مااقدر اردهم حطيت نفسي مكانه وسكتت قلت لو انا مابقدر ارد ضيوف ابوية ورضيت بالامر الواقع
مع انه في بدروم كبير ومفروش زي المساند ومكيف بس لانه بيتي مجالسه عند الباب اقرب لعمي ولضيوفه قلت مو مشكله
وبالعيد طبعا مجالسي مفتوحه للرجال ضيوف عمي وزوجي وعادي مافيها شي ولا اني معارضه

ووحده من اخوات زوجي انخطبت دوبها ماشاءالله
وكانو الرجال بيجون يتقدمون وعمي مسويلهم عشى ووقتها كنت فاطرة عند اهل زوجي وبعد الفطور فتحو الموضوع وقالت عمتي لزوجي الرجال ببيتكم ؟؟ <<------- وانا قاعده ومحد كلف على خاطرة يشاورني ولا كاني صاحبت البيت وربي احس كاني غصيت وسكتت ولا كلمت زوجي بالموضوع ولا قلت اني تضايقت قلت مو مشكله عشان اتحاشى المشاكل

والمصيبه الاكبر والي بكيت منها وللحين متضايقه انه اهل زوجي قررو انه الملكة ببيتي بيحطون الحريم وانا ؟؟ كاني فردة جزمة بالبيت ولا رجل كرسي
وامس بالسياره زوجي يسال امه بتسوون ملكة قالت اكيد بس ماندري متى بعدين قالت الرجال بالبدروم والحريم ببيتكم ؟؟؟؟؟؟؟؟؟؟؟؟؟؟

انصدمت وسكتت واحس كانه مكبوبه علي موية حارة
احس صرت اغلي من القهر

حسيت كاني ساكنه ببيتهم مو ببيتي
وكانه مالي قيمه ولا احد ماخذ برأيي
وانا بيتي موكيت يعني الحريم بصنادلهم والحلا والقهوه والشاهي وبزران ورجه ورقص وحوسة

ورجعت البيت ولقيت زوجي مو راضي وزعلان لانه فارش البيت موكيت فخم كلفنا 6 الاف وقلتله الرجال اهون اقل شي قاعدين وقهوه وشاهي لا رقص ولا حوسة حتى صنادلهم يفصخونها

هو ماكلم امه لسى بس قولولي مين معاه الحق انا ولا هم

ماابغى اظلم احد ولا ابغى انظلم

ورجاء خااااااااااااااااص ردو علي من دون ماتسبون اهل زوجي لانه والله احبهم بس الي صاير سوء تفاهم ومحد بيزعل لو ابديت رأيي وقلت ماابغى الحريم ببيتي وقلتلكم من البداية علاقتنا حلوة

انتظر ردكم