السلام عليكم
يابنات بكتب لكم مشكلتي وقولو لي وش الحل ؟؟؟
اكتبها وانا متردده لأنه مو من عادتي اشتكي لأحد حتى لأمي وخواتي .. والله ماتدري عن أي شئ
لكن صبرت وصبري بدا ينفذ ..
انا متزوجة لي سنه ونص .. من انسان احبه ويحبني الحمدلله .. ماقصر معي بشئ ابد وحياتنا حلوه ..
بس فيه عيب .. اول ما تزوجته كان هالعيب عادي واكيد بيتغير مع الوقت ...
لكن حسيت انه كل ماله يزييييد .. وهذا سبب مشاكلي دايم انا وياه ..
العيب هو ( الـــزيارات بالويك اند )
زوجي بيتووووتي لأبعد درجة .. مايطلع مع الشباب الا مره كل شهر وزين بعد ..
ايام الملكه يسمعني اقول .. بنروح انا وامي لفلان وبزور فلانه وعلانه .. كان يقولي اذا تزوجتي ماافيه طلعات زي كذا ابيك عندي بس ..
كنت احسبه يدلعني وانه مايصبر بدوني ...
بعد ماتزوجت .. كنت ابي احدد يوم الاربعاء اروح لأهلي زي كل متزوجة .. هو رفض ...
قال مو على كيفك !!! .. روحي الجمعة ولازم تستأذنين مني وأفكر بعد اذا تروحين ولا لا ..؟؟
اوكي انت زوجي وعلى راسي .. بس مب كل روحه لأهلي استأذن هذولا اهلي ولهم حق علي ..
والله العظيم ان اهلي يزعلون علي ويحسوبني قاااطعه ويهاوشوني دايم وانا اتعذر باعذار احيانا سخيفة بس مابيهم يدرون عن حركات زوجي :( حتى احيانا اسكر السماعه منهم واقعد اصيييح مدري اتحمل زوجي ولا زعل اهلي
الزيارات لو احد عزمني والله العظيم اقعد امهد له اسبوووع واتحبب رجوله عشان يوافق .. واحيانا اقعد اصيح عنده عشان يوافق ..
حتى صرت اكره العزايم من الذله اللي انذلها اذا جيت استأذنه ...
طبعا نسيت اقولكم ان يوم الخميس هذا من اول ما تزوجت قالي لاااااتفكرين تطلعين فيه .. هذا يوم خاص لنا .. نطلع فيه وننبسط ونتمشى ..
يعني اذا احد عزمك الخميس اعتذري منه علطوووول وقولي انك مرتبطه باي شئ ..
بالبدايه فرررحت .بس خلاااص ماصارت .. ليته عاد شئ يستاهل .. انا وياه نقعد على النت كل واحد ماسك جهاز ..
واذا جاء الليل نشتري عشاء ونقعد نتفرج على فلم ... كل خميس على هالحال..
يعني ممكن هالشئ هذا نسويه باي يوم من ايام الاسبوع ,, أو حتى الجمعه ... الا يعني الخميس !!!
بس احسه هو مسوي كذا عشان ما يخليني اطلع ...!!!!
حتى ابوي يقول يابنيتي انتي عنده كل الاسبوع خلو ليلتكم ذي بيوم ثاني ..
المهم المشكلة اللي صارت اليوم
اليوم دق علي قال بنروح محل نشتري اغراض بعدين بنروح نتقهوى عند أهلي ... انا انصدمت على اساس اني بروح لاهلي
انا بالبداية سكتت ,, بعدين اتصلت على امي اسولف قالت انهم اليوم ماراح يطلعون من البيت وبكرا بيطلعون منتزه عشان تغير لاخواني جو بالاختبارات .. هو دخل علي من الدوام وانا اكلم امي .. سكرت السماعة
جيت عنده وقلت .. وش رايك حبيبي اروح لاهلي اليوم وبكرا مو ليلتنا .. نروح للمحل اللي تبي ونتقهوى عند اهلك العصر ..
ولنا الليل بطوووووله ...
فجأه عصب علي وقام ينافخ وقالي امك ما تمشينا على كيفها لاتخليني احلف عليك هالاسبوع كله ماتشوفين اهلك ..اليوم مافيه طلعه ..
خليها الجمعه .. قلت الجمعه اخواني اختبارات واذا رحت ما اقعد معهم كلهم يدرسون ...
قال ماعلي منك روووحه مافيه .. مع انها امي المسيكينه ما قلت شئ ..
انا انقهرت من ردة فعله وجلست اصيح .. قام يزاعق علي قال بزعمك بخليني ارحمك روحي صيحي بالغرفة
رحت وطلعت اللي عندي كله .. وناداني يوم جيت قالي اللي يشوفك الحين يقول اني انا متسلط ..
رديت عليه وقلت ايه انت متسلط علي بالطلعات .. الطلعه تجي بطلوووع الروح وبالمذله..
عصب علي وقال انقلعي لبيت اهلك .. الحين النا المتسلط ؟؟
وسحبني من يدي بقوووه حتى مسكته للحين معلمه على يدي .. قال قومي عن وجهي ما بي اشوف وجهك قدامي ..
رحت لغرفتي ولحقني قال كلمي سواق اهلك يجيك .. اللي تقولي انا متسلط مالها قعدة ببيتي ..
انا رفضت وقلت ماااا ابي اطلع ..
ترا انا يا بنات مو من النوع اللي على اي مشكلة تطلع لاهلها.. اصبر واصبر ... لاني عارفه اذا طلعت يمكن ما ارجع ...
المهم كنت جالسه على السرير .. قالي قومي بوديك لاهلك ضفي عفشك ... هالمرة ماراح تعدي على خير ..
انا رفضت قلت له بيتي وما ابي اطلع ...
مسك المخده وضربها على راسي بقوه وقال اقوووولك قومي اطلعي برا الغرفه .. انا تنحت من الضربه ودمعت عيني .. وقام ضربني مره ثانيه وقال انقلعــــــــــــي ..اتوقع الجيران كلهم سمعو ...
طلعت من الصدمة مافيه دموووع تطلع ..
شوفو السالفه كلهاااا علشان قلت له لانروح اليوم للمحل خله بكرا ..
يقولي اناااااااا ولـــــــي امرك وانــــــــا اللي اتحــــكم فيك ..
احس من كثر مايرددها اضحك احسه فرحان انه يتحكم بوحده ...
آآآآآآآه يابنات خلاص احس اني ما اقدر اصبر .. افكر اروح لبيت اهلي بعد كل اللي صار ,.. بس خايفه ما ارجع . انا اعرف طبعه
والله ما يرجعني .. يبيني انا اللي اجي واعتذر وانا ماسويت شئ غلط .....
ساعدوني الحين علموني .. هو الحين نايم .. اروووح لاهلي قبل يقوم .. اقول خله يجرب الحياة بدوني ..
يعرف انا وش بحيـــاته ...
آآآآآآه من الضيقة اللي بصدري .. استغفر الله
علمووووني بسرعه الحين ... شورو علي الشوووووور الزين الرزين
متوهقــه @mtohkh_1
عضوة
هذا الموضوع مغلق.
al3needh_999
•
اسأل الله العلي العظيم انه يفرج همك وييسر لك أمرك ويجعل لك من كل ضيق مخرجا ويسخرلك زوجك اللهما آمين
فندي2008
•
الله يسخره لك انتي احسن من غيرك والله لو تشوفين مصيبه غيرك تهون عليك مصيبتك اما انك تروحين لاهلك ترى الجمعه والساعه الصدر تروح ما يبقى لك الا زوجك وعيالك اجلسي ببيتك وادعي ربك بكل وقت ان الله يحنن قلبه عليك ويسخره لك
اسأل الله العلي العظيم انه يفرج همك وييسر لك أمرك ويجعل لك من كل ضيق مخرجا ويسخرلك زوجك اللهما آميناسأل الله العلي العظيم انه يفرج همك وييسر لك أمرك ويجعل لك من كل ضيق مخرجا ويسخرلك زوجك اللهما...
حبيبتي استجيري بالله وروحي خذي لك ركعتين استخاره00في امرك لان الله سبحانه
هو علام الغيوب وهو ادرى وين الخيره لك000
ودوري بقوقل ادعيه للكرب وتفريج الهم وادعي00
هو علام الغيوب وهو ادرى وين الخيره لك000
ودوري بقوقل ادعيه للكرب وتفريج الهم وادعي00
الصفحة الأخيرة