@@معتزة بحجابي@@ @maatz_bhgaby_1
عضوة نشيطة
شوفوا الأشياءاللي تخرب علي حياتي وأنتوا شركوني وقولو الحل
والله أني اكتب وتوني مخلصه من الصياح ومحد مرتاح في حياته أبغى افضفض لكم مدري من وين أبدأ وبحاول اختصر اللي مضيقني طبعا زوجي هو كريم وربي معطيه بس فيه عاده ما يخليها لازم يحسب على كل شي أشتراه ويدقق مرره ولما نروح المطعم يكرهني بعيشتي كيف جات الفاتوره كذا واحنا شرينا كذا وكذا ولو احنا جايبين ربع خروف احسن هو مايحس انه يضيقني بس يسبب لي غصه وأكره نفسي والبارح رحنا لمطعم وطلبنا كبسه وقلت ابغى كنافه ويوم راح ارسلت ولدي وقلت قل لأبوك يجيب جريش ويوم جا جلس يحسب ويقول لو اخذنا نفر اوفر لانا ناخذ نص دجاجه ونطلب رز زياده وقلت وين الكنافه قال تلخبطت والجريش لخبطني ما احس انه مايبغى يصرف قلت له ترى الناس تطلب سلطات ومقبلات وجريش واحنا بس رز مدري ليش هوكذا وأنا كتومه والله لوهي وحده غيري كان ماسكتت له وحتى الفواكه مايجيب الا برتقال وتفاح وموز الأشياء الاساسيه والباقي في السنه حسنه والله انه موبخيل بس يحسب كل ريال هل أنا عودته وسكت الشي الثاني نفسي يوم يدخل لي بورده في يده ما جاب لي الا لما تزوجنا وبس ليه كذا يعني أنا ما استاهل والله يوم ازور حريم اخواني في المستشفى واشوف الورد اغاروش ينقصني عنهم حتى الهدايا ما اشوفها ليته يجيب لي قميص نوم من عند ابو خمسه قبل امس اقول له ارسل لي رساله حب من الدوام وش وراك احس انه جاف ولازم انهد فيه يوم من الأيام واليوم مكتمه :angry2:ولا كلمته يقول وش فيك زعلانه صرفته قلت بكره بيجي برد الصبح وولدي بهاوشه بيرفض يلبس ثقيل لأنا العصر طلعنا وقلت احس بحموضه ابغى بيره اوعصير تفاح وشرى اغراض ولا جاب قال البقاله تسد النفس معقوله يعني ما فيها شي ولما قربنا البيت قال اجيب عصير والا تشربين شاي في البيت قلت الحين اقول كبدي فايحه وتقول شاي ما ابي شي وكتمت الى الليل وانا حساسه وهو ثلجه معليش طولت عليكم انا ما احب اطلع اسراري بس بنفجر ابغى احد يسمعني مع اني اصبر على اهله يجون دايما من الديره ويجلسون عندنا وما احد يساعدني احس اني شغاله ويوم انفجرت وقلت لو كنت موظفه كان عندي شغاله وبراتبي ومفتكه من اهلك حتى اخته تجي وزوجها وعيالهم تخيلو فندق غير الأزعاج والحوسه اكره الاجازات بسببهم مافيه راحه تعرفون وش نفسي فيه بدور ارضي بدل البيت اللي جالس يفكر يعمره او اقولكم ملحق عشان ما احد يجينا بالأجازه حتى سفر ما نسافر عشان ما ينشبون معنا ابغى احس بطعم الحياه العب بالفلوس وسفريات وكل فتره فندق انا وياه ورده :26:هديه ابغاه يعطيني بدون حساب ويموت فيني واذا اشرت على شي القاه قدامي تقفون وش اسوي معليش كلامي ملخبط من الحرره نسيت اقول لكم والله اني حلوه واهتم بنفسي وافتح النفس واستاهل بس الرجال ما يقدرون
30
2K
يلزم عليك تسجيل الدخول أولًا لكتابة تعليق.
الله يفرج همك ويسخر لك زوجك
بس نصيحه لاتقارني حياتك مع احد
ثانيا اي شي في قلبك قوليه لزوجك باسلوب حلو وطلباتك اذا يقدر يجيبها لا تتنازلي ابد كرري الطلب مره مرتين الى ان يتعود زوجك انك قويه ماتتنازلي
انت شكلك طيبه مره اذا طلبتي شي وماجاب تسكتي وتزعلي وتشيلي في نفسك كذا ماتستفيدي شي هو ماراح يحس فيك اذا ماتكلمتي
وأهم شي يااختي اذا ضاقت بك الدنيا تذكري الصحه والله انها نعمه من الله ماتتعوض بفلوس الدنيا قولي مدام انا وعيالي بخير يهون كل شي
والله يحفظلك عيالك وزوجك ويسعدك في لدارين
بس نصيحه لاتقارني حياتك مع احد
ثانيا اي شي في قلبك قوليه لزوجك باسلوب حلو وطلباتك اذا يقدر يجيبها لا تتنازلي ابد كرري الطلب مره مرتين الى ان يتعود زوجك انك قويه ماتتنازلي
انت شكلك طيبه مره اذا طلبتي شي وماجاب تسكتي وتزعلي وتشيلي في نفسك كذا ماتستفيدي شي هو ماراح يحس فيك اذا ماتكلمتي
وأهم شي يااختي اذا ضاقت بك الدنيا تذكري الصحه والله انها نعمه من الله ماتتعوض بفلوس الدنيا قولي مدام انا وعيالي بخير يهون كل شي
والله يحفظلك عيالك وزوجك ويسعدك في لدارين
الله يهدي سركم ياأختي وش أقول هذي الدنيا مشاكل وتعب ونكد ومافي أحد مرتاح عليك بالدعاء نصف الليل وابكي عند الله ان ربي يفرج عنك ويهدي لك زوجك وحاولي تغيري من نفسك اهديه ابددي انتي بإهدائه وكلميه عن أشياء وأماكن وحاجات حلوه وسولفي عليه انو لازم انت تصرف علي وبيتك ونشتري اللي نبغاه دام ربي موسع علينا وفهميه انو الدنيا فانيه واذا مات الواحد ماراح ياخذ ريال معاه
انا فاهمه انو مو بخيل على قولتك بس انتي عودتيه مايجيب لك اشياء غير الضروريات للبيت وعليك بالدعاء والاستغفار الله يفرج عنك وعني والمسلمات امين
انا فاهمه انو مو بخيل على قولتك بس انتي عودتيه مايجيب لك اشياء غير الضروريات للبيت وعليك بالدعاء والاستغفار الله يفرج عنك وعني والمسلمات امين
الله يفرج همك ويسخر لك زوجك بس نصيحه لاتقارني حياتك مع احد ثانيا اي شي في قلبك قوليه لزوجك باسلوب حلو وطلباتك اذا يقدر يجيبها لا تتنازلي ابد كرري الطلب مره مرتين الى ان يتعود زوجك انك قويه ماتتنازلي انت شكلك طيبه مره اذا طلبتي شي وماجاب تسكتي وتزعلي وتشيلي في نفسك كذا ماتستفيدي شي هو ماراح يحس فيك اذا ماتكلمتي وأهم شي يااختي اذا ضاقت بك الدنيا تذكري الصحه والله انها نعمه من الله ماتتعوض بفلوس الدنيا قولي مدام انا وعيالي بخير يهون كل شي والله يحفظلك عيالك وزوجك ويسعدك في لدارينالله يفرج همك ويسخر لك زوجك بس نصيحه لاتقارني حياتك مع احد ثانيا اي شي في قلبك قوليه لزوجك...
مشكلتي عصبيه وفي نفس الشي كتومه صعبه اقوله جب ورده هو كريم حتى معطيني الفين بعد المكرمه وراح نصها بالسوق وعيالي ونصها بالمشغل كل شي غالي ابغى اشياء كثيره هو طيب واقدر امشيه على كيفي بس هذا مو طبعي لأني احبه بس مشكلته يحسب وابغى حل هل اصارحه
الصفحة الأخيرة
والله الرجال ماهم واحد انتي دلعي رجلك وحسسيه بحبك
وهو راح يتعلم -اهديه انتي وبعدين هو يهديك
وبعدين لاااااااا تقارنين رجلك باحد راح يضيق صدرك وتتعبين
ولاااااتنسين الدعااااااااء ثم الدعاااااااااااء
والله يرزقك راحت البال
قولي (اللهم صب حبي في قلب زوجي صبا صبا وارني ذلك)