شوفوا تجاربي مع الولاده وهذا الا مسبب لي رعب مو طبيعي خاايفه من المستشفيات 😰😓😓

السلام عليكم
انا حامل في السابع ومررره خاايفه من الولاده من المستشفيات وتلاعب البعض منهم ..انا ولدت 3 مرات في المواساه الاولى ولدوني غصب بحجة ان البيبي تعباان جدا لازم طلق صناعي وانا بكريه وتعذبت مرره وفي الاخير البيبي طلع مافيه شي حتى الا ولدتني ماشفتها بعد الولاده جا دكتور سألته قالي البيبي صحته جدا ممتازه قلت كيف وولدوني عشان تعبانه قال لا مو صحيح ..الولاده الثانيه في المواساه بعد رحت وانا معاي الطلق تقريبا يوم كامل وصلت وانا احس فيني ولاده والدكتوره مصرره مافيني ولاده وخلوني في غرفه عاديه وتركوني وانا كل شوي انادي عليها اقول لها بولد وهي مصرره مافيه تقولي اصلا يمكن اولد في اليوم الثاني ويمكن احتاج طلق صناعي 😒وانا اصلا معاي الطلق المهم تركوني وخلاص كنت بولد وطلع راسها تقريبا ودقيت عليهم وبسرعه ودوني لغرفة الولاده ،،الثالث رحت وانا معاي الطلق ونزل الماي كله وفحصتني الدكتوره قالت قيصري عشان يده قدام عند راسه وكذا مايطلع على ان وزنه 3 كيلو ورفضت القيصري اصروا علي ان بعرض البيبي للخطر وانا كمان ان تأخرت في الاخير وافقت تحت ضغطهم وتحت الالم والوضع الا انا فيه ولدت بقيصريه وابني طلع كيلوين وتقريبا ميتين غرام يعني صغير ..تعذبت مرره في القيصري لاني انا الا اشتغل لاولادي وكل هذا وانا ماعندي صحه وعانيت كثير من الم الظهر بسبب ابرة الظهر ..بعد تجاربي صار عندي خووف رهيييب من المستشفيات زوجي مايبي حكومي ..شنو تنصحوني ؟احس اغلبهم ماعندهم مشكله ان قيصريه عشان لفلوس اكثر ولا يحاولون حتى ويصبرون ..زوجي يبي اولد في المواساه بعد لكني خاااايفه ..😔😓 مع اني اوقات اقول يمكن حتى لو رحت مستشفى ثاني نفس الشي يمكن مكتوب لي ..اخر ولاده لي تعمدت اروح ومعاي الطلق عشان لا يقولون مافيه ولاده لكن الا صار مختلف عن الا توقعته ،،للاسف ولدت بقيصريه ولا حسيت بفرحتي بابني بسبب التعب والمعاناه ،،😓الحين مرعووبه شنو تنصحوني 😓😓