انا بأبدأ قصتي مع الاستغفار
انا كنت استغفر يوميا الف مره وبعض الايام اردد سيد الاستغفار
كنت استغفر بصيغه ( استغفر الله )
مع الايام صرت اردد ( استغفر الله الذي لا اله الا هو الحي القيوم )
والحمدلله كنت ادور على وظيفه واستغفر بنية الوظيفه
وتوظفت بمدرسه خاصه
وماتركت الاستغفار
صرت استغفر الف مره واصلي على النبي الف مره واسبح الله بالشروق والغروب واحصن نفسي كثير واردد وانا اشتغل بالمدرسه ( لا حول ولا قوة الا بالله )
لان هالجمله تغير الحال الى حال افضل لاني ماكنت مرتاحه مع وظيفتي
والحمدلله من بدأت بنظامي الجديد اسبوعين فقط واتصلوا عليه التوجيه وتم توجيهي لمدرسه حكوميه كمعلمه بديله الترم الاول وكان المشوار للمدرسه نص ساعه
كنت بوقت انتظر السياره اللي تنقلني اسبح واقرا الاذكار
ولما اركب السياره استغفر الف مره لحد وصولي للمدرسه
وبالرجعه اصلي على النبي الف مره وكل هذا بنية الوظيفة الدائمه
والحمدلله صدرت قرارات التثبيت
الله كريم
فعلا مع الاستغفار ربي يحقق اللي ببالك
هذي تجربتي اذكروا الله وادعولي ماتبرد همتي لاني صايره كسوله
__________________
انا تجربتي مع الأستغفار كانت بنية ان ربي يرزقني بالزوج الصالح وتكون مواصفاته على مافي نفسي... والتزمت الأستغفاررر استغفر قد ما اقدر باليوم ... مره 100 ومره اكثررر ومره 1000 مره وعلى كذاااا ..... و زودت عليها (( ختم سورة البقرة دائما بقدر الأمكان ... والدعاء وقيام الليل لو بركعتين طبعا هذا كان نادر ... والصدقه واكرر (( ربي اني لما انزلت اللي من خير فقيرر )) ..... وكان الأسهل مع دراسة بالجامعه الإستغفااااااااااااااااااار واردد (( ربي اني لما انزلت اللي من خير فقير))
والحمدلله خلصت السنه وتقدم لي ابن الحلال وكنت داعيه بمواصفاته وتقريبا جاني 70 % من مواصفاته .... وكان اللي ماتحقق فيه من الجوانب التعليميه والماديه نوعا ما ... بس الاخلاقيه كانت مثل ماتمنيت اللهم لك الحمد ... ماشاء الله .. لأن بمجتمعنا الرجل فيه كثيررر من سمات سلبيات الرجل الشرقي ... وانا كنت خايفه من هالسلبيات والحمدلله .... و كنت انصح اي وحده تبي الزوج الصالح تسوي اللي سويته .... واكيييد اي شي تبينه من خير الدنيا والآخره تقدرين تاخذينه بالإستغفااااار .....
لااااااااااااااااااااااااااااا كن ...نصيحتي لكل وحده وتحط تحت هالنصيحه ملييييييييييييييييون خط ..... لو ربي حقق لك امنيتك لا تكونين جاحده ومصلحجيه وتتركين اللي كنتي تسوينه وتتركين الإستغفار ....لأني اول مالقيت الشي اللي تمنيته بصراحه تركت اللي كنت اسويه وصار همي بالعرس والدراسه و و و و و ..... وللأسف الحين طلعت لي مشاااااااكل وعثرات و وقف طريقي !!!!
فنصيحتي ... انتبهي انتبهي تتركين الإستغفار بعد ما تحقق طلبك وإلا كل شي بيطير من يدك ومو بس عشان كذا لانها عبااااااده وانتي مؤجره ومحتاجه لمغفرة ربي عليك ......
وموفقاااااااااااااااااااات
__________________
انا دئما اصلي على الرسول الف مرة
وصيغته
اللهم صلي على محمد وعلى ال محمد كما صليت على ابراهيم وال ابراهيم انك حميد مجيد
والله العظيم والله العظيم كل ما اقولها تنفرج لي كل همومي
وكما لا حول ولاقوة الا بالله
والان مدومه على الاستغفار من الف الى 3000 باليوم والله يعين
__________________
انا حاقولكم قصه صارت معي البارح والله يابنات حسيت وقتها اني مقصره كثييير الله يغفرلنا ويرحمنا
انا البارح زعلني زوجي حسيت انو قاسي علي شوي وقتها حسيت ان الدنيا ضاقت علي وحسيت بضيقه
مووطبيعيه صرت ابكي
من كثر ماحسيت اني مضايقه ودي انفجر كان ودي اصرخ واسوي اي شي بس عشان ارتاااح المهم اخذت نص ساعه اوساعه ع ذا الحال وزووجي لاحياة لمن تنادي والله لافكر يجي
يعتذر ولاجا فباله انه يطالع بوجهي ...
المهم اخذت سجادتي وصليت ركعتين وطلعت كل اللي بقلبي وجلست ادعي واستغفر يمكن نص ساعه او
اقل اواكثر ماني فاكره وربي اني بمجرد ماسلمت الاوهو وراي يسولف ويضحك ولا كأنه اللي قبل شوي
مايبغى يلتفت يمي واليوم ماشاء الله عليه الله يزيده عسل ....
بس للامانه بنات اناماكنت اصلي وادعي عشان يجي يعتذرلي انا كنت اشكو همي لربي وادعي ان الله
يهدينا ويصلحنا واستغفرالله عن تقصيري ..واهم شي اخلاص النيه لله ..مو اني استغفر عشان الله يحقق
اللي في بالي وخلاص...اتمنى انكم استفدتوا من قصتي..
__________________
لي قصص كثيره بالاستغفار ولله الحمد .....
اذكر منها ....كانت هناك في شغله لزوجي في عمله القديم (عسكريه )يخلص اوراق مرتبطه بشغله الجاي ..
كانت السالفه معقده مرررررره لدرجه اني اتوقعت انهم يسجنونه اربعين يوم ...نظامهم
كنت على اعصابي ...وشلون وكيف؟؟
بس الاعم ربي معنا وكنت عارفه ان ربي مارح يردني ان شاء الله والتزمت الاستغفاااار وقيام ليل ودعاء مع تكرار
حسبي الله الذي لا اله الا هو عليه توكلت وهو رب العرش العظيم ...
ووكلت امري لربي ...
الحمد لله اتسهلت اموره يارب لك الحمد حتى ترضى ولك الحمد اذا رضيت ولك الحمد بعد الرضى
ولا سجنوه ...وطلعت له حقوق يارب لك الحمد والشكر ((هذي ماكانت تخطر على باااالنا ابد ))مع اننا محتاجينها
والماديه ضعيفه الحمد لله على كل حال
بس الى الاآن مااعطوه الحقوق قالوله ندق عليك .....يااااااارب يدقون قرررررررريب ان شاء اللله
وهذه وحده من القصص اللهم لك الحمد والشكر .......
دعواتكم ربي يوظفني ويرزق زوجي بالوظيــــــــــــــفه ياااارب عاجلا غير اجل
__________________
قصتي مع الاستغفار
كانت حياتي مدمره وانفصلت عن زوجي فتره
بسبب سحر التفريق
وكنت استغفر ربي بنيه ابعاد الهم
وكلما استغفرت الا يجيي لبوووى
ولا يدق عليه
فستغربت
وقمت استغفر لي وله
وسبحان الله رجعنااا لبعض
وانفك السحررر
والقصه الثانيه
كانت لي
كانت ماخذه من ابو ي سلف فوق 50 الف
عشان ازين ارستراحتي
مع الفلوس اللي عندي
وكانت نفسيتي زفت حيل قبل لارجع لزوجي
مثل هالتوقيت بالضبط
وكنت اردد اللهم اغنني بحلالك عن حرامك
وكنت مسدده حوالي 25 الف
مادريت الا ابووى ناداني وقال يابنتي مابي منك شى
وكنت مصره اسدده وقال والله مابي منك شى سامحن
30 الف
مع اني ماخذه مبالغ كبيره
............................
وان شاء الله اذكر لكم قصص اخرى عن الاستغفار
ولي عووده
__________________
فيه وحده اعرفهاا متزوجه وعندها ثلاث بناات وطولت ماولدة بعد البنت الاخير
ولمن كشفت قالو لها انها مافيه امل تحملي مره ثاانيه
وتضايقت ولازمت الاستغفاار وسبحان الله بعدها بفترره ماني متأكده كم راحت وراجعت وطلعت حااامل
سبحان الله وبحمده سبحان الله العضيم
______________________________ ____
لي اخت كثير تستغفر واخت عمره وطلبت ربي يوفقهااا
وكان لها سنه متخرجه ومتزوجه وعندها طفل واحد
وسبحان الله توظفت على طوال والكل يقول وش الواسطه
اللي جايبينهاا وهي واسطتنااا الله سبحانه وتعالي
واللي يقول اكيد مبخششين ..............
ومن هالكلام
___________________
ترى كله منقول من منتدى ثاني الله يجز خير اصحابه ويوفقهم ويرزقهم ..
وبأذن ربي اكتب قصتي قريب ..
لا تنسونا تدعولي بالشفاء العاجل والزوج الصالح القريب..
محتاجه جدا دعواتكم :44:..