كل عام وانتو بخير وينعاد على المسلمين بصحه والسلامه لو انها متاخره شوي بس تعرفون عيد ومادخلت المنتدى
المهم يابنات البارحه كنت بعرس يعني ناس يصيرون لنا من بعيد ولبسة ولبسة بنوتي الحلوه
ورحنا وبالبدايه كان العرس ماشي حلو مافي شي وطالعت على يمني على الكوشه وله اشوف المصارعه الحره حريم متهاوشات وشد شعر وضرب وبكوس وفناقر ولله منظر يفشل واههه صج صج فشله وبعد ماشبعو بعضهم ضرب جو حريم فكوهم واسمعوا عاد انواع الشتم والسب وحده تتهدد على الثانيه وحرام وحده منهم حامل يالبشهر الثامن او التاسع وبعدين سمعتها قاعده تقول انا رحت اجيب بنتي من على الكوشه وبنتها قاعده تبكي وله جايه وساحبتني من ورى وانها تقول ليش طقيتي بنتي قالت لها انا ماطقيتها انا جبت بنتي وجيت وله تقول انتي ماتستحين لو انك تستحين كان تفاهمت معك بس ماتستحين وماسكتها الحرمه وطرااااااااق وبدت المصارعه
بس عن جد موقف يفشل وانا كلش مايد اني اراكض ورى العيال وهاوش واسوي مشاكل عشانهم جاهل وينجازون مع بعض وهم عقولهم صغار يتهاوشون شوي ويلعبون شوي ثاني .......والحين ياحبابيبي شرايكم بالموقف ..........
اذا احد ضرب بنتك خذيها وخليها عندك
مع اني اتنرفز اذا احد ضرب بنتي بس ما اروح اهاوش واطاق امسك بنتي واجلسها عندي مهما كان ذولا اطفال