شوفوا قصتي أنعزمت على خطوبة زوجي

هلا بنات شخباركم

حبيت أكتب لكم قصه حصلت لي

كنت في شهري الاول من حملي الثالث وانا اذا حملت اتوحم على بيتي واتعب مره فرحت عند اهلي اريح يومين

وأنا عند اهلي وقت الظهريه يرن التلفون وتطلع صديقه أختي الكبيره تبي أختي تفكرها عند اهلي على شانها ماترد على تلفون بيتها

أنا أعرف صديقه أختي معرفه سطحيه يعني يوم كانوا يتبادلون الزيارات وتجي عند اهلي

المهم كانت متصله تبي تعزم أختي على حفله خطوبتها فرحت لها وباركت لها ودعيت ان الله يوفقها ويسعدها خصوصا انها كبيره في السن ولا تزوجت

قالت لي خلاص تعالي مع أختك بالمره وغيري جو أكيد الوحام مطفشك وقلت لها طيب

وفعلا كلمت على أختي وجات بيت اهلي وتجهزنا وكشخنا ورحنا حفلة الخطوبه

وهناك أختي سألتها وين اهل العريس قالت ماله احد اهله كلهم في ديره ثانيه بس اخوه جاء

عاد سؤال كالعاده منهو ولده ووش عيلته الا تقول اسمه فلان بن فلان

هنا انا جاتني صدمه قويه


تدرون طلع مين طلع زوجي وانا متكشخه ومتزينه وماغير ادعي لهم بالتوفيق

لا شعوريا والله صرخت وجلست ابكي واغمى علي

وربي اني تفشلت قدام الناس والمعازيم صرت زي الهبله لاني انصدمت قبل يومين كان ذكرى زواجنا الخامس

ومسويه حفله تعبت فيها وجايب لي هديه وانبسطت في ذاك اليوم اخر بسطه


أختي دقت على ابوي وجاء ابوي واخذني وانا فاقده الوعي

وشوفوا همس الحريم والرجاجيل

واترقدت في المستشفى حملي راح ومن الصدمه جاني السكر والى الان وهو معاي


امس مره سنه على الحادثه جالسه ابكي يوم تذكرت مع اني ما نسيتها ابد خصوصا اذا تعبني السكر وارتفع معي او هبط اقول ما جاني الا ذاك اليوم

نسيت اقولكم الخطوبه ماتمت البنت اهلها رفضوا زوجي بعد الي صار وهي كلمت اختي وقالت لو ادري انه زوج اختك

ماكان قبلت

وهو عاد يوم شافني ترقدت بالمستشفى وأخذت فتره مصره على الطلاق وهو كان يحسب اني برضى عادي
شال الفكره من راسه خصوصا ان بينا طفلين

تدرون الان أحسه حا بالذنب بسبب اصابتي يعني لو صار لي شي وارتفع سكري يخاف او اذا هبط علي باليل يقوم ويدور على اي شي حلو ويشربني اياه المهم افوق من الغيبوبه

المشكله اني الى الان كل ما اتذكر ابكي ابي اعرف ليه كان يبي يتزوج اذا سالته يقول ما ادري وقفلي على الموضوع

الي كان يبي يتزوجها أكبر منه بخمس سنوات

الله يسعد كل زوجين