شوفوا قصتي وساعدوني

السلام عليكم كيفكم ياخيات
القصه ومافيها انا بنت عمري 24 سنه مافيه عله بالدنيا الا وفيني استغفر الله يعني من وزن زايد لشعر جسم كثيف لشعر راس مصلع لهرمونات ملخبطه لدمامل منتشره بالجسم كله لدوره مو منتظه وغيرها وغيرها خلوها على الله
مشكلتي بدات قبل البلوغ صراحه كان وزني يزيد ويزيد وكل مااوصل لمرحله يزيد اكثر مانتبهت لنفسي من اول كنت صغيره وطايشه يعني لين قال لي احد ليش وزنك كذا ومحد بيتزوجك ومدري ايش قلت مو لازم اتزوج عمره محد جاني باسلوب عدل فهمني زي الاودام والناس لاقرايب ولابعاد طبعا نسيت شي اسمه الملابس الجاهزه مافيه الا تفصيل وخيمه بعد شلت هموم وامراض وكبر شكلي وعمري باقي صغير تخيلوا وزني 129 كان لفتره واستقر على هالشي ومن فتره لما عرفت عالم حواء قررت اني اعالج شعري وحلقته زيرو عشان اعتني فيه اول باول طبعا مااتخذت هالقرار الا وانا متحمله سلبياته يعني تعليقات اخواني زوجات اخواني او اي احد فكنت اخذ حبوب عشان تنظيم الهرمونات واخذت حبوب بعد اسمها هير دال كانوا يمدحونها حق الشعر والمصيبه يابنات استعملتها اسبوعين بس وامس لما رحت المستوصف اتابع مع الدكتوره حق شعري قمت وقلت للممرضه اوزنيني وكانت هنا الطامه وصل وزني 136
رجعت منهاره كل ماجاله الوزن يطلع واحس ماعشت لاسني ولاحياتي وامي كل ماشافت بنات العيله حتى اللي اصغر مني انخطبوا ماتخلي عني كلمه طيب يمكن غلطتي اللحين بس وينك انتي عني اول
قعدت ابكي طول الليل مو عارفه وش اسوي مرات يابنات وربي يشهد افكر انتحر وارتاح واريح انا قبل عمري ماسويت ريجيم ماكان همي الا اكل وبس صرت فتره اطلع امشي وقللت اكلي وتحطمت لما شفت وزني مانزل وبيني وبينكم كان حجتي ماعندي احد يمشي معي بعد لين مره قال لي واحد من اقاربي الحاجه لك انتي اطلعي امشي وحدك لاتستني احد وتقولوا تعالوا امشي معي كلمته رنت باذني صح كلامه بس وين الاراده عاد
انا من عرفت عالم حواء تغيرت واجد صرت اهتم شوي يعني بشعري وبشرتي اي نعم باقي مافي تحسن بس الله كريم
اللي ابغاه منكم يابنات فيه وحده منكم كان وزنها مثلي وجد نزلت ووشلون انظم للمجموعات اللي تسوونها اللي هي فريق الاحمر والازرق ومدري ايش وابغا بعد تسوون لي شريط وزن مثلكم عشان احس بتفاءل وبينزل وزني
ابوس رجولكم لاتتطنشوني محد يعلم بنفسيتي الا الله سبحانه