شوفوا كيف الله نصرها علا الضالم(قصه عن الضلم)

هذي قصة قريبه لي بلحيل اكتبها لكم علشان كل واحده
انضلمت يكون عندها ثقه ان الله راح ينصرها ولو بعد حين
هذي حرمه اخلاق ودينه ماشا الله ومثل كل حرمه تزوجة وحملت
وربت جابت عشره عيال عاشت مع زوج قاسي الحرمه عنده
مثل الجزمه وكان يرفض يعطيها حبوب حمل يبغاه تخلف علا
طول مع ان الدكتور قالها انتي خلاص ماعاد ينفع تحملين
بسبب مرض الدوالي في رجلينها وكله بسبب الوقوف والشغل
كانت متنفخه عروق سيقانها لدرجت لو ينفجر عرق راح تنزف
حتا الموت بس زوجها ماكان مهتم ومع اخر مولود الي هو
العاشر سواله الدكتور ربط لرحم كانت تعبانه وزوجه كل
وقته يسب ويهاوش ومانعه من اهله بسبت قسوته
وتسلطه كانت لما يسافر تزور اهلها بلدس تحملت علشان
عيالها الزوج قرر يتزوج يقول ماعادت تنفعه ومو طايقها
ويبي يجدد شبابه مع صغيره وقام اثث الدور الي فوق
وتزوج واهي بيتها تحت معدوم ومكسر بس ماطلبت منه
شي تخاف يطلقها لانه عايفها ويقول عجوز متهالكه المهم
تغير بعد الزواج اكثر صار ماينزل لعياله الا يضربهم ويهين
امهم ومايصرف عليهم تدخلوا اخوانها وقال انا مابيها
باطلقها مالي مصلحها معاها وترجوه اخوانها يخليها مع
عيالها وبيرسلوا مصروفها ووافق جلست سنه وبعدها
صار يتكلم ان هذول مو عيالي هذول اولاد حرام
تخيلوا عشره انكرهم وحطهم اولاد حرام وتهاوشت معاه
وطلقها وطردها من البيت وعيالها يبكو ن وراحت عند ولدها
الكبير متزوج كان شايل امه علا كفوف الراحه هو وزوجته
ووداها للعمره وبعدها وداها الحج بكت بكا عند الكعبه
ودعت علا طليقها الضالم واقسم بالله مامره سنه الا
اصيب بسرطان في المعده وتدهورت حالته وعياله الي
حطهم اولاد حرام سافر به للتخصصي في الرياض
ومتنومين معاه الا ان تدهور زياده واصبح في العنايه
المركزه وكان يبكي ويطلب منهم يسامحوه وقالهم خلو
امكم تسامحني وتحللني وتوفا الله يرحمه وزوجته الثانيه
لان ماعندها عيال راحت بيت اهلها واشتروا عياله نصيبها 
في البيت ورجعوا امهم وغيرو كل اثاث البيت ربي نصرها
كنت احزن لما اشوفها اللهم والحزن باين في وجهه
كتب هذي القصه لكل وحده تعاني من ضلم زوج او اخ
او قريب ثقي ان الله في يوم راح ياخذلك حقك من الضالم
ودايم الضالم له نهايه والسلام عليكم هذي قصه حقيقيه وراعيته عايشه
احسن عيشه عسا الله يخليله عيالها ويرزقها برهم