شوفو ام زوجي وش قالت لزوجي

انا حامل وبكريه الله يرزق كل محرومه وامر بفترة الوحام يعني كل وحده فيكم حملت تفهم مضبوط وش قصدي بالوحام اسوء مرحله بحياة الحرمه فتره الوحام الغثيان عندي شديد و لو شربت مويه بس رجعتها الله يكرمكم والروايح اشمها من عند الجيران اظن مايحتاج اشرحلكم كيف النفسيه ونحفت لاني خلاص منتهيه ما اكل من قو الغثيان والروايح
جاتني ام زوجي تزورني يقالك تطمن وزوجي كان بالدوام عيوني باين عليها التعب وداخله لداخل ونحفانه المهم فتحت لها الباب وهي مسويه نفسها تسألني عن حالي وتمطن علي وللاسف صدقت ان قلبها علي قمت وخريت لها كل شي عن تعبي قلتلها والله تعبانه وخايفه على اللي ببطني لاني ما اكل والله لو اكلت لقمه ارجعها وحامي شديد شايفه الموت وتعبت من الروايح ذبحتني الروايح الخ وهي قامت تسلك قالت ايه باين وزنك نازل مسكينه وهذه الحقيقه زوجي نفسه ملاحظ نقصان وزني وتعبي
واكثر موضوع دار بيني وبينها موضوع اني مو قادره اكل واللي توحمت بالشهور الثلاث الاولى بتفهم قصدي وهي تقولي لازم عشان اللي ببطنك قلتلها ما ذبحني الا التفكير في اللي في بطني لايصير له شي من عدم اكلي وانا والله غصب عني مب قادره خلاص تعبت
وشافت ادويه على طاوله قامت سألتني وش ذي الادويه قلتلها زوجي كان تعبان كانت عنده سخونه شديده اسبوع كامل ماتحرك من الفراش قالت يوه انتي وحام واللي فيك مكفيك قلتلها الاجر على الله

عاد انتوا تعرفون بعض الحريم تكره ريحة زوجها وانا كنت اداويه واحط المناشف على راسه وانا خلاص برجع فوق زوجي من الوحام المهم علمتها ان ولدها كان تعبان وانه اليوم احسن وداوم .يعني شافتني كيف اتعامل مع ولدها بالحسنى وشايلته بعز تعبي ويوم خرجت من عندي جلست زي الخبله اشكرها على زيارتها شكرا لك ماقصرتي عسى عمرك طويل جيتك فرحتني شكرا الخ
بعد كل هذا خرجت من عندي ليتها انتظرت كم ساعه عالاقل عشان تحش لا على طول خرجت من عندي ورفعت الجوال على زوجي وش هالدلللللللللللللللع اللي بحرمتك ؟ وش هالمياعه ؟ وش هالوحام الله اكبر كل الحريم يتوحمون و ماتبي تاكل هذا من الدلللع والله اكيد تتدلع
اصلا انت السبب لو انك رجال كان ضربتها بالعقال ! انت اللي مخربها ولا كان جلدتها زي الرجال الباقيين ! (وش سويت بالضبط عشان تقوله كذا ؟ ) قالت له اصغر منها يحملون ويولدون وهذه تتدلع ؟
وحشت فيني كثييييييييييييييييييير انا انصدمت صدمة عمري طبعا زوجي جاب الكلام بعدين قال امزح (هذا اسلوب زوجي يوم يقول الحقيقه) اثاريها جايه عندي وتسمعني عشان تتمسخر علي! انا صدقت ان قلبها علي وقمت افضفض لها وهي جالسه تحش ؟ ماتقول هذه بكريه وتحزن المفترض وتراعي انه اول حمل لي ووحامي شديد اقولكم المويه استفرغها ونحفففت وامي بمدينه ثانيه مو بنفس مدينتي شوفو بس كيف المفروض انها ام وجربت عذاب الوحام وحرمه زيي زيها بدال لا تحس فيني قامت مسحت فيني عند زوجي وزوجي جا البيت مقلوب معصب مو طايقني وبدأ يذم البيت ويرمي تلمحيات ومعصب
كل اللي قالته عني ماهمني ولا زعلني مع انه يزعل بس شي واحد قهرني وكرهتها من قلب انا وش سويت عشان تهاجمني كذا ؟ بس هذا اللي ابي اعرفه وش اللي سويته استاهل تهاوش علي كذا ؟