شوفو ايش صار معايا انا و خالد الاسبوع اللي راح

سلام كيفكم يا امهات
ابغى احكيكم ايش صار معايا الاسبوع اللي راح
انا عادة لما اصحى من النوم افتح الشبابيك عشان التهوية للغرف و البيت
فيومتها كنت في المطبخ باطبخ ولما خلصت من الغدا ونظفت المطبخ طبعا شلت كل الوساخة ولميتها وحطيتها في كيس الزبالة الله يكرمكم لبست شرشف الصلاة و فكيت باب الشقة (احنا عندنا في العمارة بين كل اربع شقق في زبالة كبيرة الله يكرمكم عشان نرمي الكيس فخرجت و كان معايا ولدي الكبير (انا عندي ولد 5 سنين و التاني سنة و 8 اشهر مبين من التواقيع اكيد) قلتله لا تخرج معايا خليك داخل و طبعا السن دا يطنش وطلع ورايا
ومااسمع غير صوت باب الشقة ينقفل بقوة من قوة الهوا اللي في الشقة من الشبابيك

انا انصدمت وصرت اقول وي وي وي خالد لوحده جوا ايش اسوي ياربي وجوالي في الشقة والمفتاح جوا

صرت ادق على الجيران ابغا اتصل على زوجي يجي يفتحلي الباب وقت لحد مافتحولي ناس الله يجزاهم الخير و طلبت جوال و كلمت زوجي قلي انا جاي داحين كنت ابغى افضل واقفة عند باب الشقة خايفة على ولدي بسس جارتنا دخلتني عندها وصارت تهدي عليا رجع زوجي اتصل وقلي انه مفتاحة ناسيه كمان في الشقة قلت ياربي الطف بس
المهم جاب نجار وفتح باب الشقة
تدرو لقى خلودي ايش بيسوي


<
<
<
<
<
<
<
<
<
<
<
<
<
<
<
<
<

جالس في المطبخ بياكل كيك كان موجود في صحن ميلامين سحبه و جلس ياكل

قلت الحمدلله انه انشغل طول الوقت باكل الكيك لاني خفت عليه من الكهربا اكتر شئ
والحمدلله ربنا ستر يومها ومن بعدها صرت اخرج واخد المفتاح


انتيهيت