شوفو لي حل تعبت

السلام عليكم ورحمة الله وبركاتة
كيف حالكم
عزيزاتي مشكلتي عويصة نوعا ما مدري وشلوون القى الحل المناسب
مالكم بالطويل
عندي جوال بإسم ابوي اللي يحفظه وماكانت تجيني ازعاجات او حتى يغلطون بالرقم نهائي معاي 10 سنوات لظروفي وعجزي عن سداد فاتورة الاتصالات اخذلي زوجي موبايلي وبكل فترة بين شهرين او ثلاث اشهر يجيني اتصال من رقم غريب
طبعا ما ارد على الارقام الغريبة وكل فترة كذا والارقام تجي مالها اسم يعني احطه بالنمبر بوك ما يطلع اسم
وكلها كذا
مرا كان زوجي عندي ببيت اهلي ورد وطلع رجال وكلمه وقال غلطان بالرقم هذا كان الصباح
طلعنا انا وزوجي بعد العشاء ويتصل علي نفس الرقم وقلت لزوجي وعصب ورد عليه ما قلت لك غلط وبدا يسبه وقفل الخط بوجهه
وصارت مشكلة كبيرة وقالي تغيرين رقمك وما تعطين احد حتى زميلاتك رفضت قلت كل شوي اغير رقم ؟؟؟؟
وزميلاتي واثقة فيهم ماعندهم هالحركات مرا مرا المهم شكى لابوي وقاله السالفة وتغير رقم الجوال واغلب الناس ما تعرفه حتى صديقاتي المقربات فقط ومعلمات مدرسه تعينت فيها ما اعرفهم الا معرفة سطحية لا اتصالات ولاشي واتس فقط ونادرا
المهم رجعت الارقام لنفس الحال وغيرت جوالي مرا ثالثة واصبح بإسمي ونفس الحال مع الارقام السابقة اتصالات كل فترة رقم
آخر غييير السابق وبدووون اسم !!!!!!
امس صارت لي مشكلة ومسك جوالي ولقي مكالمة لم يرد عليها يهددني خليه يطلع رقم بإسم رجال والله ما تشوفين طيب
حطه بالنمبر بوك وكالعادة بدوون اسم !!!!!!
صرت اتحسب وادعي على اللي يأذني ويظلمني بالسرطان في سجودي لي سنتين ادعي واللان ادعي ربي يكشفه لي
وش السبب انا انسانه بحالي ولا لي شغل باحد زوجي وبناتي واهلي وعملي هذولا اكثر اهتماماتي
حتى حريم اخواني ماعمري احتكيت فيهم ووحده منهم ما تعرف رقمي الجديد برمضان اللي راح عرفته وسلفاتي واخوات زوجي كلهم علاقتي فيهم سطحية ما احب اتعمق مع احد طبيعتي كذا اكثر مكالماتي لاهلي واخواتي صديقاتي بالواتس فقط واحيانا اتصل اذا توفى لها احد او ابارك بزواج لهم او مولود ،،
وبصراحة ما اشك في احد لانه حرااام اظلم او اظن ظن سووء لو انتو بمكاني وش الحل دبرووني
علما لي 4 سنوات ع هالحال ؟؟؟؟
ما اقووول الا حسبي الله ونعم الوكيل