مساء الخير
الموضوع وما فيه اننا عندنا قرايب من بعيد يصيرون خوال امي هم ماشاء الله حموله ابوهم وامهم كبار في السن وعيالهم وبناتهم متزوجين ومعيلين يعني ماشاء الله كثار وهم يجتمعون كل خميس في بيتهم هم فقط بس وعيالهم في بيت ابوهم يعني مايجي احد من برى بتقولون وين المشكله المشكله ان امهم دائم تتصل علينا تعزمنا لو يحصلها تبينا نجيهم كل مايجتمعون يعني حرمه نفسها نظيفه وقلبها طاهر يعني من الجيل القديم الي مايعرف الرسميات وانا سبق وكتبت موضوع اني قد جاملت ورحت مع الوالده لهم لكن تفاجئت انهم كلش ماعبرونا ماغير ها العجيز هي الي فتحتلنا واستقبلتنا وبناتها وحريم عيالها كلش كنهم مالهم خلقنا الي تبي موضوعي تروح لمشاركاتي وتشوفه بعنوان لو رحتي لناس ولا عبروك انا ما اقول انهم يكرهوننا لا والله بس ابدا مايعطونني وجه ولا شي وانا ما الومهم عاذرتهم لانهم يبون جمعتهم مقتصره عليهم ليش حنا نرز وجيهنا لهم في كل اجتماع كننا حدى عيالهم بس اتوقع انهم في صراع مع والدتهم هي تبينا نجي وهم معارضين واكرر انا عاذرتهم اذكر يوم زواج ولدهم كان بس عزيمة رجال فقط والحريم بس هم واهل العروس المقربين فقط وامهم كلمتنا وقالت والله اني ودي تجون بس بناتي الله يهديهن عارضن يقولون ياامي الدعوه مختصره يعني ها العجيز بريئه الي بقلبها على لسانها انا دائم اقول لامي شوفي انتي بتروحين لاجتماعهم بكيفك اما انا اروح افرض نفسي لا والله لاهم اهلي ولا جداني اذا كنت ابيروح اروح معك ازور ابوهم الي هو خالك في بيتهم خمس دقائق بس عشان صلة الرحم ولا هو دائم قالت امي بس امهم تتشره قلت وش علي منها صعبه ابجاملها على حساب كرامتي
امس جابولنا كروت زواج حفيدهم كروت شخصيه فقط كرت لامي وكرت لخالتي وكرت لعمتي اما انا وخواتي ماجابو لنا شي انا قلت بسلامتهم انا اصلا ما احب اروح لان الزواج مسيقى ومنكرات وانا مو ناقصه ذنوب الحمدلله انهم ما ارسلولنا كروت عشان تصير علثه لي بس امي تقول ان امهم الي هي جدة المعرس لها اسبوع وتتصل من قبل ان يرسلو الكروت تقول تعالي انت وبناتك قلت يا امي الى متى وحنا بس نسمع كلام ها العجيز هي ما تعترف برسميات وسالفة الكروت وابراز البطاقه لو الود ودها كان دخلت كل سكان المملكه قالت امي ابتصل عليها واقول يمكنكم مرسلين كروت لبناتي بس طايحات بسياره انا حلفت على امي وقلت والله ماتتصلين وش ها الذل يعني كننا نغصبهم الا يرسلون لنا وبعدين ما هو زواج ولدها هذا حفيدها انا صراحه امي تفكيرها يتعب المشكله دخلو اخواني وحنا نتناقش وواحد منهم عصب علي وخلاني ما اسوى قرش مو لانه يبيني اروح لا يبيني ما ابدي رايي باي شي
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
~noonee~
•
لااله الا الله
والله ما ادري وش اقولك ما دام العجيز تقول ماو دهن انكن تجن خلاص بلاها روحه اصلن في ها الزمن الواحد يجلس في بيته احن من الزواجات صارت نقمه فتن ومعاصي ومنكرات
هذا رايي
هذا رايي
ياقلبي وين المشكله ؟؟ مافي بطايق خلاص لاتروحي ,, ولاتروحي لهم الا في المناسبات الرسميه ,, لان الاحتماعات الدوريه معروف تكون للمقربين علشان يكونون براحتهم ويسولفون براحتهم ومايكون الواحد مقيده حريته ويضطر يلبس شيء رسمي ,, هم طنشوكم ومااندمجوا معكم يعني افهموها من انفسكم ,,
فهمي أمك أنك ماتبين تروحين ولاتطلب كروت وحتى لو جابوا قولي لها ماابي اروح
وريحي راسك ولاتنكدين على نفسك عشان اخوك اللي عصب عليك طنشي
خلاص لاتضغطين على نفسك فهمي امك بهدوء وهي بتتفهم الوضع
وقولي لها لاتحرجينهم يمكن خلصت بطايق الدعوه.
الروحه ماهي غصب خصوصا انهم ماجابوا لك بطاقه
وريحي راسك ولاتنكدين على نفسك عشان اخوك اللي عصب عليك طنشي
خلاص لاتضغطين على نفسك فهمي امك بهدوء وهي بتتفهم الوضع
وقولي لها لاتحرجينهم يمكن خلصت بطايق الدعوه.
الروحه ماهي غصب خصوصا انهم ماجابوا لك بطاقه
ظلع
•
بنات ما فهمتوني انا اقول يوم زواج ابنها العام الماضي اتصلت وقالت ودي اعزمكم بس بناتي عارضن اما ها السنه زواج حفيدها ارسلو بطاقات لمي وخالاتي وبس وامي تقول يمكن مرسلين لكم بس طاحن يعني امي بتذلنا
الصفحة الأخيرة