شوفو وش صار في مستشفى الحوطه شي يخوووف

السلام عليكم ورحمة الله وبركاته
الموضوع مو محتاج مقدماتبحكيلكم وش صار بالتفصيل :
من كم يوم دخلت مريضه مستشفى حوطة سدير وكانت تشكو من موت الجنين في بطنها وعمره شهرين يعني كل المسأله عملية تنظيف،دخلت وسوت العمليه سوتها لها مصريه اسمها سلوى وبعد ماطلعت وتوعت من البنج زاروها اهلها وكان عندها بنتها للعلم المرءه مو كبيره بالحيل عمره 39 تحمدو لها بالسلامه وكانت تشتكي من مغص تقول احس بشي يقطع في بطني هذا اول يوم ثاني يوم نفس الحكايه تشتكي من المغص قالو لها اهلها قولي للدكتوره قالت قلت لها اول يوم قالت عادي وقلت لها اليوم زعقت فيني وقالت( تتدلعين ) ثالث يوم نفس الشي تشكي من الم بزياده قالو اهلها اشربي حليب قالت شربت وزاد الوجع ولما سألت الدكتورة قالت انتي عندك قولون يسبب لك الم لما تشربي الحليب لاتشربينه لما زاد الوجع شافت بنتها دكتور (الدكتور فتحي ) وقالت له عن حالة امها ودخل وشافها لما شاف بطنها متورم كأنها في الشهر التاسع خاف وقال ضروري اشاعه خذها الاشاعه وهناك المصيبه
قال اشوف فيه شي يصب في الرحم وشي فوق الرحم يصب وهو مستغرب وطبعا هو مش الدكتور المشرف على العمليه بس لما شاف خطورة الموقف اظطر يدخلها غرفة العمليات يشوف ايش المشكله وبعد العمليه حطوها في العنايه ولما سألو اهلها وبنتها ايش فيها ؟قال لقينا عندها فتحه في الرحم يعني جرح ومسبب نزيف وجرح في الامعاء تسبب في خروج الفضلات الى الدم تخيلو يومين تنزف مااكتشفو الا ثالث يوم بس خساره على طول توفت المريضه ماقدرو ينقذونها.
طلبوا اهلها وزوجها التحقيق في الحادثه وايش لسبب وفي التحقيق قالت الدكتورة سلوى اللي سوت العمليه ان الاله فلتت من يدي وهي اللي سببت الجروح وبالتالي النزيف بعدين الوفاة .
قمة الحقاره والنذاله عارفه انها غلطانه وتقول للمريضه تتدلعين وفيك قولون كانت متصورة الظاهر بما انها المشرفه على الحاله ان المريضه تطلع من المستشفى وتوفى والله يرحمها ومااحد يدري لاكن رحمة الله فوق كل شي وعدله كشفها.
الله يحمينا يارب ويستر علينا ولايحطنا تحت رحمة احد من رايي ان الدكتوره لازم يتخذ بحقها اقصى عقاب لانه بصراحه اقرب الى القتل العمد .
والله يجزاه خير هالدكتور كان متعاون جدا بس بعد فوات الاوان .
الله يرحم المتوفاة ويغفر لها يارب ويصبر اهلها وعيالها وزوجها امها في حاله مايعلم بها الا ربنا .

للاهميه الكلام من مصدر موثوق والله الشاهد .