الهيبه نجديه @alhybh_ngdyh

محررة

شوفو وش صار في ملاهي الروضه ..

اختي تسولف لي وهي مو مصدقه اللي شافته عينها ..

تقول كنا في ملاهي الروضه عند شباك التذاكر . وانتم عارفين الزحمة هناك ..

تقول انا وقفت انتظر اختي لين تقص التذاكر وتجي .. تقول جت حرمه ومعها 4 اطفال وطفل خامس شكله بو شهرين شايلته الشغاله الأندونوسيه ..

وامهم راحت تقص التذاكر ومن دفاشتها خلصت بسرعه وجت وقالت للشغاله ليه تهزين الولد؟؟ طبعا بصراخ تقولها

رجعت تقولها تبينه يصحى هااااااااااااااااااا

وتعطيها ذاك الكف اللي اختي تقول ياليت الأرض انشقت وبلعتني ولا شفت هالمنظر اللي نكد علي روحة الملاهي :44:
والله تقولي الشغاله تصيح والبزران يضحكون عليها ..

والله ياناس هالمره باسها قوي وقلبها ميت وضميرها ميت بعد

ويقولون ليش ننسحر منهم ..

لو انتم شفتو هالمنظر وش بتسوون ؟؟

116

11K

يلزم عليك تسجيل الدخول أولًا لكتابة تعليق.

تسجيل دخول

غلا ميشو • 15 سنة

يوه كش عليها من مره
الله يجازيها هالمفتريه
حسبي الله عليها وعلى اشكالها
الله يستر بس لاربي يخسف بنا وينقلب الحال ونروح نشتغل خدم عندهم لاتامنون والله
الله قادره على كل شي يقلبهم فوق ويقلبنا تحت
يالله سترك

انا ربة بيت • 15 سنة

لاحول ولا قوة الا بالله

وشلون تامنها على بيتها وعيالعا وتصرفاتها كذا
وعن نفسي لو اشوف كذا
ما راح اتكلم اخاف يجين كف هههههه<<<<خوااافة
وشكل هالحرمة دفشة يعني لا احترام ولا يحزنون

هدهد_q • 15 سنة

لاحول ولا قوه الا بالله..

والله ماتنلام الشغاله لوتسوي شي فيها وبعيالها حقها وجزاها..

meme2010 • 15 سنة

من جد لاحول ولا قوة الا بالله
زين سوت قناة الام بي سي يوم تجيب دعايات عن الرحمه بالخدم
((من لايرحم لايرحم ))

ܔ҈ أغصان الورد ܔْ҈ • 15 سنة

وين الرحمه !!

اكره شي عندي ان الشغاله تتهزأ والاطفال يضحكون وشولون عاد كف

ياويلها من ربي هذي بشر لها احساس يعني جايه تدور لقمة العيش ماجت تدور المذله

حسبي الله ونعم الوكيل