شوفي قصتي مع امي واحكمي

السلام عليكم ورحمة الله وبركاته
الصراحه يابنات اترددت كثير قبل ما اطرح الموضوع
لكن النفس تعبت وقلت مالي الابنات حواء افضض لهم واقولهم عن قصتي
الموضوع وما فيه اني ساكنه قريب من امي يعني في نفس الحاره وامي معتمده علي في اشياء كثيره يعني اذا نقصها شي او تنظيف البيت او عزيمه او ضيوف اواي شي تطلبه مني وكنت ما اقصر معها في شي ابداً وكنت دائما ابادر واخدمها بعيوني المهم استمرينا على هذا الحال سنوات وانا عمري ما قصرت معها في
المهم انا مالي في الزيارت ولا المناسبات بسب ظروفي ووضعي مع اولادي وهي تعرف هذا الشي الا انها دايما تطلب مني اروح معها وتحلف على اذا مااروح معها تزعل على وتتبرى مني دنيا ةاخره وكانت تصير مشاكل بيني وبين زوجي بسسب هذا الموضوع وانا احاول دايم ارضي الطرفين لاكن زوجي دايما زعلان مني وامي بعد ولاني قادره ارضيهم هذا غير الضىوف اللي تجبرني استقبلهم معها وتشرط على اني مااجيب عيالي معى ةاخرتها هل الايام تبغاني اترك بناتي في البيت علشان ضيوف راح يجونها وانا اولادي عندهم امتحانات وتبغاني بعد مااجيب اطفالي الصغار معي طبعاً انا ما كلمت زوجي في الموضوع لان اعرف انه راح يسوي لي مشكله وامي تقول اذا ما جيتي راح ازعل منك وانت منت بني ولا اعرفك
الصراحه فيني ضيقه وحاسه بكتمه في قلبي من طريقة تعامل امي وعدم مراعتها لظروفي خصوصاً انها تعرف طبع زوجي اني اذا تركت بيتي في هل فتره ممكن يتصرف تصرف اهوج


ابغاكم بنات تشورون علي اروح ولا لا لاني احس القولون بينفجر عندي :06::06: