شوية ذوووق ياعالم عيب كذا!!!!!!!!!!

انا بصراحه اليوم مقهوره مررره مررره مررره
من سالفه صارتلى امس:mad:
هاذا الله يسلمكم امس كنت رايحه مشغل انا واختى
كانو المشغل يصلحون عروس ما شاء الله امس كان زواجها
المهم لمى جت الساعه على تسعه طلعت العروسه متصلحه ومتزينه وراح تروح القصر
بصراحه كان تصليحهم لها عادى يعنى مو زين ولا شين
بس العروس ياعمرى مرره كانت مبسوطه وعاجبها الشغل اوكى الى الان الموضوع حلو
المهم دخلت وحده مدرعمه مادرى وش تبي للمشغل هى واختها معها
والعروس كانت جالسه تستنى سيارتها وتناظرنى انا واختى وتضحك ياحليلها وجيتها انا واختى سلمنا عليها وباركنالها وتسألنا اذا كان مكياجها حلو وكلنا مدحناها هى مبين عليها اكبر خواتها ما معها الا خالتها اخت امها لان على قولها امها في القصر تستقبل الضيوف
المهم دخلت هالمدرعمه هى واختها وسألت عن وحده من الكوافيرات وقالت بشوف شغلها واشرو عالعروسه انو هاذا شغلها
المدرعمه طيرت عيونها على البنت:30:
انا خفت منها ياعمرى يابنت
وتحكى وقدام البنت لاحظو البنت كانت تسمع
لالا مابي هالموديلات القديمه وش هالشغل انا مابي كذا
وتتساسر مع اختها وتناظر البنت ويتضيحكون
العروسه ياعمرى انقلب وجهها الوان:eek:
وجتها اللى صلحت العروس وتحكى بصوت عالى يعنى صوتها مرره مسموع وش ذا وش هالخرابيط الاوان اللى حطيتها على البنت مرره شينه و و و و كلام كثير
العروس تصفق وجها وياعمرى جت سيارتها وركبت هى وخالتها
طيب ليه كذا عيب البنت كانت مبسوطه بالمكياج ليه التنكيد غير كذا عندك ملاحظه مع الكوافيره كلميها بينك وبينها وقوليلها ملاحظتك عالمكياج من غير ما تعلمين العالم انك فاهمه وصوتك هاذا قصريهعيب والله عيب والله انى افكر بالعروسه لين اللحين الله يوفقها ويسهل امرها
بس جد يا بنات انا ملاحظه فيه مجموعه حريم ما يعرفون الحد الادنى من الذوق وفيهم جفاسه وعلو صوت اللهم ياكافي
دلاله مو حرمه الله يهديهم بس حابه اسمع تعليقاتكم على هالموقف اللى جد تنرفزت منه والله يهدى الجميع يارب