شي بسيط بس صور اطقم شاي .. لدراستي......

السلام عليكم ورحمة الله وبركاته ...


أخواتي انا عندي موضوع تقديم في الفصل ... وهو عبارة عن عمل بزنس...

أول خيار شي تأخذه من الولايات المتحدة لبلدك الأم وتسوق له

ثاني خيار شي تأخذه من بلدك الام لبيعه في الولايات المتحدة..


انا من السعودية بس حاليا في أمريكا..

*** الموضوع مو جدي .. يعني ما حعمل البزنس هذا بجد .. بس لازم اعمل مشروع بسيط لانه هذي دراستنا عن البزنس

شرط اختيار السلعة : انها ما تكون اصلا متوفرة في البلد اللي تبغى تبيعها فيها..

انا فكرت وقلت اختار طقوم شاي... شي موجود في السعودية بس ماهو موجود بكثرة في أمريكا ...لأني بصراحة ماقد شفت هنا في امريكا طقوم شاي كاملة (تبسي - فناجين- ابريق شاي) زي اللي عندنا في السعودية.. وكلمت استاذتي عليها وقالتلي طيب خلاص هاتي الصور واشرحيها للفصل...


طلبي منكم يا بنات ابغاكم تعطوني صور لاطقم شاي حتى لو وحدة بتحط صورة طقم الشاي حقها... عشان اعرضها للفصل واشرحلهم هيا...

حاولت ادور في الانترنت بس مالقيت صور لاطقم شاي مثل اللي عندنا في السعودية...
أنا ابغى شي يعكس حضارتنا وتراثنا واللي بنستخدمه نحن فعلا في حياتنا .. زي أطقم شاي الضيوف

رجاءًا ساعدوني الله يبلغكم رمضان بأكمل صحة وعافية...