صاحبات الخبره ممكن شوي

بسم الله الرحمن الرحيم

السلام عليكم ورحمة الله وبركاته

صاحبات الخبره ابيكم تساعدوني في مشكلتي

انا متزوجه تقريبا من 8 اشهر وحملت من اول شهر ولله الحمد بس بعد اقل من شهر ونص اجهضت

مع اني اجهضت بس كان فيه خيره لاني على الاقل عرفت ان ماعندي اي شي يمنع الحمل

بس ماسويت عملية تنظيف بس عطاني الدكتور مضاد حيوي وحبوب تساعد على تنظيف الرحم

انا الي رفضت النتظيف لان كثير نصحوني ماسوي لاني بكر ولان الجنين صغير مادري صح ولا غلط

اني ماسويت تنظيف انا خايفة يكون هو السبب في تاخر حملي الى الان مع اني رجعت للمستشفى بعد

شهر وسويت سونار وقالوا الرحم نظيف مافي بقايا ولله الحمد

بس مادري وش السبب في تاخرحمل ثاني للحين بعد امر الله

لي ست شهور عايشه بهم مايعلم فيه الا الله قبل وقت الدوره يكون عندي امل ولما تجي تصير مناحه وهم

للدرجه زوجي وقت الدوره بس على اعصابه يقول صرت اخاف من رد فعلك واتحمل اي تصرف منك

تعبت من التفكير مادري وش السبب وماعندي احد اساله ولا احكيله غير هالمسكين زوجي كل حرتي فيه

مره اقول انا السبب لاني ماسويت تنظيف وقت الاجهاض

ومره اقول يمكن على قولت ام زوجي الله يخليها لنا ( عين ) لاني حضرت مناسبه وبعدها بيوم جاني نزيف

بدون سبب ولا مقدمات بس ارجع واشيل هالفكرة من بالي لان مو كل شي نحطه على العين وانا بصراحه

عاديه مو مميزه عشان تجيني عين وبعد ماحد يعرف بحملي عشان يجيني عين عليه

ومره اقول يمكن الغده لان اختي كان عندها الغده ومانعتها من الحمل بس مادري لو عندي الغده كيف حملت

بالبدايه او ممكن ماتكون جت الا بعد حملي الاول ممكن يصير كذا ؟؟؟؟؟؟؟؟؟؟؟؟؟

واحيان اقول يمكن لان زوجي مايكون متواجد عندي طول الشهرلانه يشتغل في مدينه غير الي انا فيها

ومايجي الا 10 ايام

وعلى فهمي وحسابي ايام التبويض تكون اليوم 15 من الدوره وزوجي تقريبا هالفتره يكون عندي او

بعدها بيومين على الاقل

والمشكله زوجي رافض فكرة اني اروح لا لمستشفى ولا للحريم الي يعالجون بعد امر الله

مادري من حاط في عقله فكرة عشان يصير حمل لازم يحصل الجماع بعد الطهر من الدوره بيوم يومين

وهو هالفتره مو موجود عندي مايجي الا بعد الدوره ب 15 يوم ويقول هذا السبب

مو راضي يقتنع بشي اسمه ايام تبويض


وللعلم ولله الحمد دورتي منتظمه تقريبا بنفس اليوم او تتاخر يوم يومين

يخواتي ابيكم تساعودني مالي بعد الله الا انتم من

خبرتكم وبعد ماشرحت حالتي وش السبب في تاخر حملي اكيد بعد ارادة الله

انتظركم لاتبخلون علي

الله يرزقنا واياكم بالحمل الكامل المعافى ويزقنا الذريه الصالحه