صاحبتي من قمحيه لزي اللمبه والله ... خليني اقهركم شويه هههههههه

اهلين حبيباتي

طبعا مو قصدي والله فعنوان الموضوع بس حبيت اضحكم معاكم شويه لاني اعرف بعض البنات يتجننوا على البياض مع اني اشوفه والله عادي والجمال هوا جمال الروح ومو عيب اننا نهتم ببشرتنا لكن المشكله لمن يصير البياض زي الحاله النفسيه مع البنات :angry:

المهم ماحطول لكن من جد لقيت اكتر من موضوع كاتبين البنات عن ناس يعرفوهم كانوا سمر وصاروا بيض وزي اللمبات :09: وبصراحه ماكنت اصدق مع اني الحمدلله بشرتي بيضا وصافيه

المهم قبل اسبوع قابلت وحده من البنات كانت تدرس معايا وربنا كتب واتلاقينا ولمن شفتها من جد والله انصدمت :angry2: البنت انا اعرفها الشمس ايام الجامعه كانت مصقعه فيها ومخليتها زي الدجاجه المشويه :42:
ودحين البنت من قوة البياض اللي فيها ماقدرت اشوف ملامحها لكن والله فنفسي ذكرت الله عليها اكتر من مره عشان العين

الزبده يابنات والله اتذكرتكم وجلست وراها ايام عشان اعرف اش الموضوع وفعلا والله ههههههههههه زي البنات مابيقولوا فالمنتدى الحسد مشكله وان بعضهم ابدا ماتقولك وهادا اللي صار لكن نشبت فحلقها لين ماعلمتني وطلع فالاخير كريم وزيت
الزبده تقولي لازم تستمري عليها كم شهر يعني مو تستخدميها شهر وتقولي خلاص يعني مو اقل من 3شهور
يله خدوا الوصفه الناقصه :42:

اول حاجه تستخدمي المقشر الخفيف من جونسون متوفر بكل صيدليه تستخدميه يوميا مرتين فالصباح وقبل النوم
هذا عشان التقشير طبعا
تاني شي ..
فيه كريم اضن صناعته فلبينيه لان كتابته غريبه وكمان زيت لتفتيح الجسم كلها تستخدميه يوميا
وعارفه انكم حتحقدوا عليا لكن والله ماني عارفه كيف انزل الصوره من الجوال للكمبيوتر
لكن ححاول اكتب لكم اسمه

وكمان قالتيلي على واقي من الشمس لسه مااشتريته لكن هوا معروف من منتجات بيزيلين تقول واقي ومفتح كمان للبشره يعني هوا واقي وفيه فيتامين سي


بنات اللي تعرف كيف انزل الصور من الجوال للكمبيوتر تقولي عشان انزل صورة الكريم والزيت