بسم الله الرحمن الرحيم
السلام عليكم ورحمة الله وبركاته
اكيد امنية كل بنت انو يجيها عريس على حمار اسود اقصد على فرس ابيض ويطير فيها وهذا نعتبروا القسم الاول
بس طبعا الكثيرات اقتنعوا بصعوبة هذاالشي وانو المفروض لازم يعيشوا بواقعية
اما القسم الثاني يبغوا يكونوا زي سندريلا تروح لحفلة ويشوفها اللي مايتسمى ويقولها انا
حتزوجك وتروح تجري قبل ماتصير الساعة 12 وتحاول ترمي جزمتها الله يكرمكم
وهو يجري وراها يقولها استني يابنت وهي تجري عاد بعدين مايلحقهااا<< ماشاء الله مو بنت
هذي ....
المهم عاد يشوف الجزمة الله يكرمكم ويشوف مقاسها يلاقيها 48 <<<رجول فيل ماشاء الله
وعاد يدور على حبيبتو وبعدين يلاقيها ويتزوجها ويعيشوا احلى عيشة
الى هنااا انتهت احلام اكثر البنات .....
عاد هم يبغوا يحققوها على ارض الواقع ....... واليكم الطريقة
لما تنخطب البنت ماتصدق تروح تشتري زفات وتبغى تسوي زي قصة سندريلا
وتخيلوا الموقف وهي بتنزف البنت ولازم طبعا يكون معاها زوجها عشان تكتمل القصة الاسطورية
..... وكأنو مو حرام انو الرجال يدخل عند الحريم ... المهم طبعا تبدأ الزفة
وتبدأ تمشي بشويش هي والطرطور اللي جنبها اللهم لاشماتة الين ماتوصل للكوشة ويبدأ
الفيلم المكسيكي بس فيلم مو مشفر وتبدأ العروسة تقرب من الرجال ولاكأنو في بشر
تحس وتبدأ الحركات اللي مال امها داعي " ماابغى اقول "..
وبعد شوي يقوم الاخ يرقص معاها ومابعرف شوو ...
طبعاهذا كلو على مرأى البنات الصغار والكبار والستات ومن كل الاعمااااااااااااااار
وتنتهي الحفلة الساعة 4 ونص هذا اذا ماكانت 5 بعد الفجر وانتهت الصلاة
انتهى الفيلم المكسيكي على كذا ......................................................
اكيد حتقولولي على ايش انتِ معترضة
اولا انا متفاجئة من هذي الظاهرة وهي حكاية الحركات اللي بتسويها العروسة مع عريسها
قدام العالم لا في احترام لمشاعر الناس ولا حتى احتفاظ بخصوصية هذي العلاقة
يعني كل وحدة بتشوفها تعمل هالحركات تتمنى تكون مكان هذي العروسة فاللي ماتخاف ربها
تعمل اي شي غلط والعروسة ياغافل لك الله ماتدري عن الذنوب اللي جابتهاا من ورى هالزواج
ثانيا .... حكاية انو العريس يدخل مع عروستو .....صارت للاسف عادي وضربوا بعرض الحائط
الدين والشرع والاحكام
ثالثا.... هذي الليلة سبحان الله المفروض تكون مباركة بس للاسف قلبوها شي ثاني ...اغاني على عُري
وكمان تأخير يعني يأذن الفجر وتخلص الصلاة وهم يرقصوا وهذا مابيرضي رب العالمين
ولاننسى اخر الليل الله ينزل للسماء الدنيا يقول من يدعوني استجب له
واحناااااااااااااااااااااااااااااااا ولا احنا هناااااااااااااا نسأل الله السلامة .........................
وطبعا في اشياء واشياء من غير التبذير والتكاليف ومابعرف شوووو
انا واعوذ بالله من كلمة انا ............ بكره شي اسمو زواجات ....والله مااروح الا بالقوة
واتمنى من الله يكرهني فيها اكثر مع انو اكثر الحررررررررررريم يموتوا في الزواجات
وياليتهم يحبوها مثل مجالس الذكر... الله يهديهم ...... وانا كتبت هذي الظاهرة من خلال صاحباتي اللي
بيروحوا كثير ماشاء الله فبيحكوني اش اللي بيصير واش الاشياء الجديدة ...........
تأكدوا ياحبيباتي انو "رضا الناس غاية لاتدرك"
قال صلى الله عليه وسلم: ((من التمس رضا الله بسخط الناس كفاه الله مؤونة الناس))
ترى اصعب شي غضب رب العااااااااااااااااااالمين
وحابة اقول لكل بنت حتتزوج انها تحط رضا ربها اهم شي لانو لما بتعملي كل شي
يرضي ربك والله حيكون زواجك مبارك وربي حيسخرلكِ زوجك زي ماتبغي
وتذكري انك حتتحملي اوزار العالم كلها اللي حتجي زواجك قال تعالى " ولاتزر وازرة وزر أخرى"
وقال صلى الله عليه وسلم "من ترك شيئا لله عوضه الله خيرا منه"
صدقيني لو حنتبع اهوائنا في كل شي مااظن حنخرج من هالدنيا الا على ذنوب
اسأل الله ان يجعل كلامي حجة لي لاعلي ....وان يزيد ايماننا في قلوبنا وان يجعلنا من المتقين
وان يزوج كل بنات المسلمين برجال صالحين
وان يوفقنا لما يحبه ويرضاه ...وان يرزقنا شهادة عند الموت وراحة بعد الموت وان يجعل قبورنا
روضة من رياض الجنة وان يحشرنا مع الانبياء عليهه السلام اللهم آآآآآآآآآآآآآمين
دمتم بخير
والله ان كل كلمه قلتيها في محلها
ومن ناحية دخول العريس فهذي جدا بجاحه وقلة حيا واستعراض ماله داعي
لا والمصيبه لما يدخل معاه اخوان العروس يزفونه مسخره وايييي مسخره
ويقومون اهل الواجب يتراقصون في اماكنهم وغطاويهم اللهم لاشماته
×××××××××××××
لاغيره على دين ولا على محارم
الله لايسلط علينا بذنوبهم ......