صار لي معاه أحدى عشر سنه...والنتيجه...؟؟‏!‏‏!‏

السلام عليكم ورحمة الله وبركاته




كيفكم ياحلوات

راح ادخل بالموضوع على طول لأني فاشله بالمقدمات خخخ

××××××××××××××
×××××××××
××××
راح اعطيكم نبذه عن حياتي الزوجيه والسر الي يخلينا أقرب الى الاسره المثاليه
أنا تزوجت صغيره تملكت على زوجي وعمري سته عشر سنه وتزوجت وأنا تو داخله الثمانية عشر
من أيام الملكه وامي كانت دايما تعلمني حسن التبعل وفن معاملة الزوج وقالت لي عن شي وحرصت علي اني ماأنساه ولاأغفل عنه أبدا أبدا..قالت لي مافي اثنين مايختلفو لكن أول ماتلاحظين انكم زعلتو وبدأ الشيطان يدخل بينكم اطلعي من المكان الي هو فيه وتوضأي وصلي ركعتين ومن بعدها استغفري وطلعي الي تقدري عليه من صدقه سواء كان ريال والا ميه واستغفري ربك
وشوفي كيف نفسياتكم بتصير
والله يابنات انها مثل السحر تحسين براحه ورضا عجيب
والله يابنات لنا الآن مع بعض أحدى عشر سنه وأسلوبنا وتعاملنا مع بعض وكأننا تو عرسان الى جانب انه كان ومازال خير معين وكان له الفضل بعدالله بانهاء دراستي الجامعيه والحصول على شهادة الماجستير بالرغم من وجود طفلين
كانت امي دايما تقولي حاجتك عند ربك مهيب عند الناس.. دائمااطلبي التيسير واشتكي لرب العباد مهوب للعباد وربي قادر يرشدك للصح وينور بصرك وبصيرتك ويسخر لك عباده
ومن جد يابنات زوجي أتعب وأنا أقول انه حبوب وحنون وطيب وكريم ورومانسي وعمره مانسى يوم ميلادي أويوم زواجنا الا دائما يفاجئني بطريقه رومانسيه تهبل
ناهيكم عن أهله الي يحبوني ويموتو فيني ويفضلوني على باقي سلفاتي

وبالرغم من ابتلائي مؤخرا بالسمنه المفرطه بسبب الغده وخربطة الهرمونات الا انه دائما يتغزل فيني ويشوفني أحلا البنات

ومن بعد ماأمي علمتني بهاالكنز عرفت ليه أبوي الله يرحمه كان يعشقها ويموت فيها وحتى بعد ماكبرنا وكأنهم لسه عرسان طلعات وسفرات وحركات الله يرحم أبوي ويطول بعمر أمي

كثير اسمع هنا عن جفاف الرجل وان زوجته تتعب وهي تجهز له حفله رومانسيه وبالنهايه تصاب بخيبة أمل
طيب انتي دورتي وتعبتي وتجهزتي ولا وبالنهايه جيتي تبكين ×××
وش يضرك لو خليتي سلاحك الدعاء والصلاة والصدقه والاستغفار‏ وشكيتي لربك

والله يابنات اني ماكتبت لكم الا للفائده
×××××××××××××
أكيد أصابعكم مهيب مثل مثل وأكيد الرجال طبايعهم تختلف لكن ربك كريم لامنك وقفتي على بابه والحيتي بالسؤال ماراح يردك خايبه

أمانه يابنات عليكم بهذا السحر والله انه مهوب أي سحر..سحر حلال تكسبين به رضا ربك عشان يرضيك ويحبب فيك خلقه ويسخرهم لك