صالة عرض ..السينماء

وش رايكم باللي يطالبون بالسينماء في السعوديه؟؟؟!!


واحد يقول.. وش الفرق بين صالة عرض او انه يشتري السيدي ويتفرج عليه في بيته...

والثاني....عشان نروح لدول الخليج نشوف فلم..تعب الطريق وصرف فلوس وفندق وغير الحوادث بالطريق والوفيات..

واللي قالوا هذ1 الكلام من المشاهير السعودين الله يهديهم ..

استغفر الله العظيم الذي لااله الا هو الحي القيوم واتوب اليه..

يحسبون كلا ميت على السينماء وصالات العرض..

ويحسبون كلا معه جواز ويقدر يطلع..

ابدا ما احب انها تكون عندنا لانها مصيبه بالنسبه لبناتنا وعيالنا..بيدجون ماصدقوا خبر خير..

ورجالنا بيتسكعون فيها معاد شايفين وجيههم ماتحملنا روحتهم خميس عشان تنحمل يروحون لها كل يوم..

يكفي دجتهم بالاستراحات والكوفيات ..

واذا صارت عندنا اتحدى وابصم بالعشره واولهم زوجي والله ماياخذني معه لان الرجال السعودين يستحون من بعض الحين اذا تقابلوا في سوق او مطعم تقطعت وجيههم وشلون عاد ياخذ زوجته للسينماء



طيب حبايبي قولوا وجهة نظركم؟؟
وحبيباتنا من دول الخليج وش رايكم فيها (اهل مكه ادرى بشعابها) وش اجابياتها وسلبياتها بالنسبه لكم ..؟؟