صايره ماتحمل الناس

بنات هاللي فيني وسواس؟؟
طبعا كلنا بشر
وكلنا فينا عيوب
انا بكل امانه عندي صديقه
صديقتي هذي تقريبا لي ٩ سنين
معها اقرب وحده لي من قروب شلتي ايام الثانوي
البنت تهبل معي تخدمني تجيب لي تسوي لي
جدا خدومه
لكن فيها طبع < هو حاره وتعصب
وانا شخصيه ديني ولا دين احد يقولي شي حتى لو اني
غلطانه
يعني دايم احس ابليس
يدخل لي بيخرب بيننا من هالمدخل
مثل هي رمت عليك كلمه وانتي اخذه
بقلبك وشلون سكتي له؟
وشلون مستمره معه
بقولكم امثله
على اللي صار
وقولو انا غلطانه او لا
مثلا مره بالعيد اتفقنا
اننا نحط عيد صديقات واخذنا شاليه
وكل وحده تكفلت بشي
لكن كان الشغل الاكبر على صديقتي
اللي قلن لكم عنها
فجاه كلن سحب عليها!! ماجت الا ثنتين
وانا فجاه جاء خالي وسحبت جلست مع خالي
وزوجته
وهي تدق وينك وينك
لما صورت لها ان فيه خالي وزوجته
عصبت وتنافخ تقول يلا تعالي موب ناقصين بعد
تسحبين حنا متفقين لنا شهر وحاجرين ومسوين
اضطريت اعتذر من خالي وزوجته ورحت لها
وكنت منفسه عليها وواضح بشكلي
تشوفني اكتب بالجوال
تزعجني من تكلمين لك ساعه تكتبين
<يعني مسويه نفسها تمون بزياده
مره قلت علي الدوره لما قامو يصلون
مسويه نفسها حافظه
تقول شكلها للدوره تجيك مرتين بالشهر كل يوم عليك!!
يعني مادري وش دخلها
كانها جالسه تشكك فيني <ذاك اليوم كنت برسلها
وامسح فيها البلاط باخر لحظه مسكت نفسي
مشكلتي مايجيمي رد للاسف وقت الموقف دايم اتجمد
يروح كل شي من بالي ماعرف ابد اركز بنفس
الوقت بعد ماستوعب انقهرررررر اني كيف طنشت
كيف سكت
ارجع واقول
البنت جدا جدا
طيبه لدرجه فاتحه بيتها لي
تقهويني تهديني بزواجها
عزمتني مع ان كان زواجها عائلي وجابتنا من الظهر معها
وشفنا وحضرنا كل يومها بالزواج
تطقطق بالسناب مثلا علي بصفة <انها ماخذه الوضع
ميانه لكن انا جدا جدا حساسه هي عادي
اهلها يسبونها بوجهها وتضحك وتحسب كل الناس نفسها
يعني ابوها عادي يقول من زين وجهك الشين
امها تسميها البرميل وكان معك ١٠ عيال وتضحك
المره الوحده اللي جد جد
رديت رد حاد وبصرامه عليها ومن بعدها حسيت بتانيب ضمير
قالت لي انا وصديقه ثانيه معنا
تجون تنظفون معي بيتي ؟
جيت انا قلت
مانظفت بيتنا عشان انظف بيتك جيبي شغاله من مهاره
ولا خلي خواتك يساعدونك
وجهها صار يعطي مليون لون وغيرت السالفه كلها
داك اليوم كان وحي نزل علي الكلام
مع اني مو وقحه
ولا جريئه بالردود والمواجهه لكن مادري كيف
ذاك اليوم شي قالي قولي لها كذا
انا اكتشفت ان حتى طبعها مع خواتها
ومع اي اجد قريب منها يصير كذا كيف مادري
يعني مزحها ثقيل
صراحتها غبيه تجي على وقاحه بحجه اني امون عليك
غير كذا تزعجني بالخرجات انا يابنات
والله ان ابوي وامي يتضايقون
من طلعاتي
وهي تغثني يعني ترسل وش عندك بكرا؟
اصرفها. عندي شي
تجي بكرا وش عندك بكرا؟
اقولها نومي حوسه اي شي عدليه خلينا نشوفك خلينا نطلع خليني اجيك واذا كارديت
هي تعرف سناب اختي تروح ترسلها وين فلانه ارسلها
ماتشوف !!
اختي تقول غثتني لاترسل لي شي انا مالي دخل
وكم مره اقولها اذا مارديت عليك
ماله داعي ترسلين لاختي ماتفهم
اختي تقول منحرجه احذفها
والله تعبت مادري وش الطريقه للتعامل معها
انا توقعت اذا تزوجت تنشغل لكن لاحظت
العكس زادت للاسف
وانا نفسيتي خلقه حساسه والحين صايره
ماتحمل لو كلمتين من اهلي ياثرون فيني مابالكم الناس
صايره ماتحمل اي شي من الناس قسم بالله يجيني كره
للشخص من اقل موقف