صباح الخير

تسلط
فيه وحده مشهورة انستا موب كثير تنزل صور وتغطيات وعندها مشاعير يتابعن فتحت بث دخلت ببثها ولقيت بالبث ١٠ اشخاص وينزل عددهم واذا زاد العدد يكون ١٤
مع انه عندها مشهورات يتابعنها وتعليقات توصل ميتين
دخلت حسابي من ٢٠٢١ وحتى ماحطيت صورة الا صورة طبيعة ومو باين اذا انا بنت ولا ولد
وكانت تسولف عن الناس الي يغارون من بعض وان هي تعرضت للتقليد واشياء كذا
وجيت تكلمت بالبث عادي اعلق زي غيري وكلامي مافيه شيء
قلت عادي هونيها وتهون وقلت ما يحارب الا الناجح
فجأة لقيتها تصور كلامي وتقول الاسم حقي وتقول اوريك ومدري وش
وقلت شفيه كيف تتهمي بدون دليل وتصوري بدون ما اقول شيء
وتصور كمان
وتقول انتي فيك كذا وكذا
تحسبت عليها بس راحت تقول قانونياً كلمة حسبي الله ونعم الوكيل اقدر ابلغ عليك فيها تخيلو
وقلت ما راح اسامحك على الاتهام راحت تقول عادي لا تسامحيني
لا ويجي واحد يقول ودي تحسبها للشرطه
وتحسبت لاني انظلمت وانا ما اعرفها ولا سبيتها ولا قذفتها وتتهمني بشيء وبدون سبب تصور الكلام وتسمعني صوت التصوير وتقول ان حسابي وهمي وتقرقر وبلكت وعندها قليل الي بالبث ١٠ بس مو عذر لكل هذا
عجزت القى تفسير تجيلكم كذا عالم مادري من وين ولا بس انا المشكله ما اعرفها خير شر ولا عمري علقت بحسابها