صحيح الشي هذا بأثر ؟

مرحبًا بنات
بتكلم بموضوع شوي حساس
مادري يمكن كل مدينه يختلف عن الثاني الاطباع
لكن سبحان مسخر القلوب
انا بنظري ان سر حب اي رجال سواء زوج
او خطيب او قريب او حبيب
البنت جمالها ماكنت اقتنع
ان فيه خاصه بالوقت هذا شي غير الجمال
عندي خال تعرفون ايش معنى كان
مغروروفيه شوفة نفس وبس كان يتمسخر علينا
وعلى خواته انتي اهتمي انتي وجهك فيه حبوب
انتي شعرك عدليه انتي فيك وفيك
يعني
كان يلاحظ وذكي يعرف الجمال ويعرف المملوحه
ويعرف العاديه ويعرف اللي اقل من عاديه
كان يتشرط شروط تعجيزيه
صارت سالفه لمح زول صديقه اخته كانت ترجعها
معاه لبيتهم وهي بعبايه ونقاب ومسكت معه مابي الا فلانه
البنت بسم الله عليها شوي جريئه يعني قامت تسلم عليه
وتسال عن امه لما قال لاهله
اهله واخته فوق روسهم علامه تعجب ماتصلح لك
لاتفشلنا البنت غير كل المواصفات اللي تبيها
انا مابي اتكلم بالبنت لكن البنت جدا جدا اقل من عاديه
نسبة جمالها ٤٠ بالميه يعني شفتو اللي تجي بنت
لكن كل ملامحها زي ابوها من سمار من ملامح شوي خشنه
هي كانت كذا
المهم ان هالسالفه قبل اربع سنوات تزوجها
تعرفون بنات ماشاء الله الشخص اللي تحسينه
توه متزوج امس
وطاف بعروسته خالي كذا
لدرجه صارت زوجته حديث كل مجلس
بالعايله فلانه كأنها توها متزوجه
فلان يموت فيها مع انها مو ذاك الزود
اللي اكتشفته من قربنا لها
انها معودته عليها تعرفون النشبه الحلوه ؟
هي كذا
تهتم فيه كانه طفل والله ذيك المره اضحك
عليها زوجها اخذ اللقاح وكان عنده دوره
بمدينه غير عنا تجلس ترسل له
حط كماده دافيه علي مكان الابره عشان ماتعورك
اكلت
ونام بدري عشان ماتتعب بدوامك
واشياء كذا
يعني مادري حسيتها تهتم بطفل
موب رجل صاك ٣٢ سنه !!
لما قلت لها بضحك هو بزر اكيد يعرف يسنع نفسه ؟
قالت لا الرجل يحب الاهتمام
يحب تحسسينه كانه طفل انه لو ماسالت صار يفقد الشي هذا
هذا غير كلامها معاه كله ياقلبي وعمري ومدري ايش
وماشاء الله دايم نفسيتها زينه معاه يعني ماتنفس
هذا له دخل بالحب بعيد عن الشكل ؟؟
يعني صدق بالشئ هذا انجذب