صح مصيبه وخراب بيوت بس قررت مااتعالج وبعيش حياتي كذا

شوفو يااخوات مواضيعي الاخيره
كلها عن حالتي ووضعي في الفتره الاخيره
خوف وشك وابتعاد زوجي من الطرفين
حياه بارده ممله تعيسه
اشتكيت من الشغاله ومن زوجي ومن اهلي ومن كل شي
قد يكون فعلا سحر او عين ومع ذلك محد يبغى يساعدني وانا مااقدر اتصرف وحدي ويد وحده ماتصفق
الكل هنا مايقتنع بكلامي
يمكن انا اهذي او اتخيل او اتوهم
يمكن
لكن الله يعلم ان اللي يصير غير طبيعي
وانا قررت اليوم قرار اني بعيش حياتي كيف ماجات
ماراح احاول اغير شي غير نفسي واهتم باطفالي
فيه سحر او حسد او مافيه ماعاد يهمني
اصلا ساعتها يكون التمنع الزوجي والتعاسه والابتعاد عن الفراش والفراق اللي صاير واحنا في بيت واحد مو بيدي
يعني لو سحر او عين بكون في حكم المريضه الغير قادره على التصرف
هي اصلا دنيا وبنعيشها مره وحده وبنتركها ونمشي
ادري اني تعيسه ومحرومه وغلبانه بس مااقدر اسوي شي خلاص استسلمت
المشكله ان الانسان يحس فجأه بعد فتره انه صبر كثير ويحتاج حاجه ناقصته هي من اهم الامور اللي يحتاجها الانسان
ومايقدر يلاقيها بالحلال
فيضيع ويضيع تفكيره ومايعرف كيف يتصرف
والحلال ممنوع وغير مسموح بطريقه غير مفهومه
فيااما ينحرف او يمرض مرض نفسي خطير
والله لايوصلني لهذي المواصيل
انا ماعاد ابغى غير دعائكم لي وانتو صيام ان الله يحسن حالي ويعوضني عن عمري اللي راح في الانتظار على امل يتصلح شي او ينحل ولو أمر واحد من الامور المشربكه في حياتي
يارب