صدااااقة لا تدوووم

السلام عليكم ورحمة الله وبركاته


ينات حابة آخذ رأيكم بشغلة وخاصة المتزوجات مش تحيز أعوذ بالله بس اريد اعرف الظروف من ناس نفس وضعي الاجتماعي لايجاد الحل وللعلم اني متغربة وماعندنا أقارب جنبنا.

ابدأ اول شي بنفسي
اجتماعية وأحب العلاقات جدا والزيارات والروحات وابد ماأمل اذا حد يجيني او يتصل عليه.
بالرغم من اني اجتماعية لكن لست من النوع المتحدثة اللي يغلب حديثها على المجلس ، كلامي حسب قول الناس قليل
وأحب الناس جدا وعفوية وعلى نياتي.

هذا الكلام سابقا لانه الحين كل شي تغير:( ايه نعم تغير لظروف مررت بيها

بعد زواجي والقصة تطول أحاول أختصر كثير امور حتى الموضوع يمشي

زوجي من النوع الأجتماعي ايضا ويحب الصداقات جدا ويتجاوز عن أخطاء الكثيرين فقط للحفاظ على الصداقة حتى لو على حسابي>>>> أصدقاءه ثم زوجاتهم وبعدين اني المرتبة الأخيرة :42:

بعد ان تزوجت صار تعارف من ناس كثيرين ومنهم اصدقاء زوجي وشوي شوي الناس تنسحب يعني العلاقات بدت تنقطع.

أغلب الأسباب هي من الزوجة يعني وقت مايعجبها وتريد تقطع العلاقة تخلي زوجها يقطع وينسحب ويدوس الصداقة برجليه ولا يدور ولا يلتفت >>>> ماأعرف شلون ينسحرون بكلام زوجاتهم :eek:

وشوي شوي الا نبقى لحالنا من دون اصدقاء وزوجي تهمني اني انا السبب في تطفيش الناس
مع اني والله يشهد أحب الناس كثيرا وأستقبل وأفرح من يزوروني ومن ازورهم
ومن بدت الأتهامات تنصب عليه وادافع عن نفسي وأبرر قامت تجي على دماغي بعد أكثر!!!!

ومن بعدها اذا صدف والتقيت بناس من طرفي، زوجي يستقبلهم بجفاف ومايقبل يزورهم <<< يعني العين بالعين والسن بالسن لحد مايطفشون

وان صدف التقى بناس من طرفه وحابين يتعرفون علينا يروح زوجي يصرفهم بسببي لاني نحس :42: يعني قبل ماأهجج الناس يروح يهججهم.

لحد ماوصلت الى قناعة والقناعة كنز لايفنى لا للعلاقات الأجتماعية بعد اليوم وحطيت حرف أكس على الناس والصداقات.

ومشى الحال معي بس معاه مامشى كل ماتصير مشكلة يسرد لي كيف اني انسانة شرانية مابقيت حد من معارفة واصدقائة وكيف هو عايش وحيد.

راح تسألون انت السبب ليش توقفت ليش ماحاولت تسوين علاقات بسيدات لحالك أقولكم جربت وتجرعت مرارة القطيعة ومن دون أعرف السبب يعني صديقتك تظلين تتصلين فيها ولا تتصل كم مرة وتتوقفين؟!

ومشى الحال الى ان جاء يوم اللي اجج عندي مشاعر الحزن والألم بنتي كبرت والحين عمرها 8 سنوات جت تسألني تحب تروح تزور ناس وتحب ناس يزورونا. وراحت على أبوها وطلبت منه نفس الطلب ياربي ماأعرف شقول لها؟؟!!

شنو الحل؟ كيف أحافظ على الصداقة ؟تراني شككت بنفسي ثقيلة ظل او ثقيلة دم ولا منحوسة ولا ماأعرف ايش وأنهزت ثقتي بنفسي كثيراااااا كيف أرجع ثقة زوجي فيني اني انسانة ماحد يطفش منها؟

صدقوني بديت حتى بصلاتي أدعي يارب حبب الناس فيني أحس أطفالي كبروا ومن حقهم يشوفون ناس.


أريد آراء وحلول واللي هي نفس وضعي تقول لي أحتمال مو بس اني
بنات محتاجة ثقتي بنفسي ترجع لدرجة لجأت للمنتديات للبحث عن صداقات وأسولف مع ناس حتى مايشوفون وجهي ويطفشون :22: