صدق المثل الي قال...!!

السلام عليكم حبايبي،، كيفكم اكيددددد فقدتوني ووحشتكم << من يعرفك اصلا هههههههه

الموزوع ومافية هي حكاية مستخدمتنا أم سالم الله

يمسيها بالخير،، حكايتها حكاية هزي الله يسلمكم لها بنت باول ابتدائيي وكانت دائما تشكي من

شعر بنتها لأنة نوعيتة كيرلي شوي وطويل وكثيف ماشاء الله لا الة الا الله وانه متعبهاا حيل وكعادة

الحريم كلن يقول وصفه من عنده ولا اخفيكن << حلوووه اخفيكن قلبت لغة عربيه

ان هالوصفات فيها المعلي والمدلي<< لاتخافون هنا الترجمة ،، المعلي : الوصفه الرهيبه

الخطيرة ،، المدلي: الوصفة الي مال لامها داعي يعني حشو وذكر على الفاضي اتمنى وصلت

وهي المسكينه مهمتها تطبق من هالوصفات على هالضعيفة ولكن بدون نتيجة :( :22:

ومرتن من المراير وكعادة ام سالم تشكي من صعوبة

تمشيط ابنتها وخاصة الصبح لدرجة خلاص فاض بيهاا قررت تقص شعرها:3_2_21v: طبعا احنا

قلنا حرام مو للدرجة ذي وبدينا نعطي حلول كالعادة وقالت لها زميلة لي وش رايك تستخدمي حمام

الزيت وحطوا تحت حمام الزيت مية خط لانة صلب الموزوع ونصحتها بفاشكول وتحمست ام سالم

لحمام الزيت وكانت تنتظر اقرب فرصة تروح فيها للسوق عشان تشترية وتستخدمة لهالضعيفه

الغلبانة وقدر الله انها تروح للسوق وراحت لمحل عطارة وقالت عطني الله لايهينك زيت

الحمام الرجال استغرب وسألها وقال وش؟ قالت الي سمعته زيت الحمام قال ماعندي زيت

بالاسم هذا وراحت لواحد ثاني وثالث وكلهم يستغربون وش هالزيت وهي مصممه الا متاكدة وفي اليوم

الثاني جت وهي معصبة:angry2: وقالت لزميلتيي ماقلتي لي وين هالزيت ينباع فية ؟ قالت اي

زيت؟ قالت الي قعدتي تمدحين فية وتقولين انه مرة زين ، قالت قصدك حمام زيت !! قالت انا رحت

للعطارة وقلت عطوني زيت الحمام وكلهم قالوا مافية زيت بالاسم هذا انا فطست من الضحك الا

جاني نوبة ضحك موصاحية ومن عقبهاا ضحك مدموج بالبكاء:hahaha: ولكم حبيباتي تتخيلوا

الموقف وياليته انتهى ضحكي في نفس الموقف الا كل شويي اتذكر واضحك وزميلاتي الي مادروا قلت

لهم ويشهد الله اني استسمحها قبل احكي لهم وتضحك معنا ماتزعل دمهاا عسللل

الموهم انة تقريبا بعد يومين من حكاية ام سالم كنت ابي

اشتري اعشاب يمدحونها البنات هنا بالمنتدى وكل مارحت السوق نسيت اشتريها وقدر الله ورحت

السوق ومريت من عند العطار وتذكرت اعشابي الي بشتريهاا وقلت الحمدلله الي ذكرني ومااخفي عليكم

اني كنت حافضة اسماء الاعشاب لكن مع مرور فترة ليست بالقصيرة نسيت بعضا منها<< رجعناا للفصحى

ودخلت وكنت كلي ثقة بنفسي انا وكشرتيي وجيت بتذكر اسم اول عشبة هي طبعا اسمها ساق الحمام << وينهي عنك يوم تبينهاا

ماذكرت منها غير رجل واذكر اسم حيوان مدري طائر المهم قلت اكيد مافية غيرها رجل الغراب !! قلت

لو سمحت عندك عشبة رجل الغراب قال لا عندي رجل الاسد:confused- وتعالوا شوفوني

تدوروني ماتحصلوني ام الاحراج وانواع الفشلات الي بالدنيا تمر وتسلم علي وراحت الثقة الي نافشة

فيها حالي اول مادخلت المحل تلاشت الاذابت كالملح << ياحبني لتشبيهات البلاغة سقى الله ايام الدراسة بخير

قلت يابنت خليك قدعة ولاتخلينة يكسحك ويتشمت فيك وعشان تروح اعراض الفشاة من خشتيي قلت

خل اطرح اسم العشبه نمبر توو قلت طيب عندك عشبة وسبحان

الله طار اسمها ماذكرت منها غير حرفين هم السين والميم :( فقلت فية عشبة اسمها قريب من السماق او

فيها بس حرفي السين والميم قال بعصبية :angry2: كل انواع العشبة موجودة بس ياليت قبل تجين

تعرفين اسمهم زين!! كسحة معتبرةوهالمرة وماذبت الا وجهيي طااح وعويناتي تساقطن وكل اجزاء

خشتي وقعت بمحلة:icon810: الله لايعودة من محل وكل انواع الكسحات استهلت وامطرت بخشتيي

وطلعت:icon36: وسيدده على البيت ومانيب داخلة من غير شر محلة

تدرون لية حصلي ذا اول ماطلعت من محل اخينا ابو الكسحات تذكرت ام سالم وكيف ضحكت من موقفهاا وماهي الايومين حتى صار لي موقف اطلق من موقفهاا وتذكرت المثل القائل " العيب عند الباب " وش رايكم انتم افضل بالنسبة لك موقفي والا موقف ام سالم