صدمتي في خالتي مش عارفه ارتاح

السلام عليكم
بنات انا يتيمه امي توفت وانا صغيره ولا لي الا اخت وحده وابوي متزوج
متزوجه والحمد لله وعندي اربع عيال اكبرهم بثالث ابتدائي
واصغرهم عمرها ست شهور خالتي كانت بالقريات سنين مااعرفها ولا شفتها بس احبها واعرف انها تحبني انا وخواني
كانت بينا دوم اتصالات وكانت تقول انا بجي الشرقيه عشان اكون قريبه منكم
صارت لهم مشاكل ماوقف معهم الا انا ولا كان في حد معه من كل اخوانها وخواتها وعيالها الا انا
جات الشرقيه وصرت ازورها بالبيت واهاديها واهادي عيالها بكل مناسبه حبيتهم واااجد وتعلقت فيهم وصرت لما اجي الشرقيه مااروح لاختي انزل عندها اعتبرتهم عيلتي وهي امي
وبعد فتره صارت ماترد على جوالي ولا ترد على رسايلي لا هي ولا بناتها عجزت
اسالها اراسلها اعتذر منها ماادري وش غلطي بس اعتذر
الين بيوم رحت لها البيت بدون موعد وقابلتها انصدمت لما شافتني يابنات قالت لي خلاص انا ماابي قرايب انا
ابي اسافر اصلا انا ماعدت ابي احد قلت لها ليش انتي مقام امي
وانا احبك
رفضت وقلت لها لو انا غلطانه اضربيني بنعالك تمونينين تخيلوا لاني اعتبرتها ام لي
قالت انا مالي شغل فيك ولا بحياتك انصدمت
وطلعت من بيتها بدموعي ولا فقدت الامل ارسلت لها بالعيد ولا ردت ارسلت لها واجد ولا ردت
بالاخير كلمت حد يمون عليها وقالت لها كلميها تخيلوا تحت الضغط دقت علي وسكرت وقالت لها هذاني دقيت رجعت دقيت انا عليها ولا ردت حسيت باهانه اتاريها ماتبيني لان عيالي ازعجوها وهي ماتتحمل اطفال هذا عذرها لانها طردتني تخيلو؟ طيب انا بمنطقه ثانيه فطبيعي اجي بعيالي وحتى لو ازعجوها هذولي اطفال وانا بنت اختها المتوفيه واللي تقول انها تحبها حيل وتصيح عليها
تحطمت ارسلت لها رساله تقول
(( اذا كنتي دقيتي وسكرتي علشان تقولين انك سويتي اللي عليك فانا اقول ماقصرتي ورايتك بيضا بس انا مش مقطوعه ولا محتاجتك ولا محتاجه حد الحمد لله وطريقتك اهانتني وجرحتني وانتي مع الايام بتعرفين انك خسرتي كثير وتحياتي لك))
خذت الرساله وارسلتها للي توسطت بينا وقالت لها شفتي؟ لاعاد تتوسطين وانا بثبت لليال اني ماخسرت شي ولا رح اندم!!!!!
يابنات حاز بخاطري تصرفها ليش كذا انا انهنت وانجرحت
وهي خالتي وش الحل وربي ماانام من القهر انصحوني تكفون