صلوا على نبينا محمد
في سفرتنا الاخيره للجنوب ... صار شي وهالشي هو اللي خلاني اكتب الموضوع
كنا كل سفره نروح فيها للجنوب الاحظ جدي جالس لحاله بحوشه ..
كنت اتوقع جدي يحب الوحده...في اخر سفره سألته سؤال
وحقيقةً هالسؤال كان بمثابة الصفعه لي مو لجدي
سألته وقلت له : اشتقت لايام زمان ولا زمننا هذا احلى ؟
تدرون ايش كان جواب جدي ؟
8
8
8
8
8
8
8
8
8
8
8
8
8
بكى وغطى وجهه بشماغه
انصدمت من الموقف ...
كمل جدي وبدا يسولف عن زمان ...
رجعت البيت ولازال الموقف في بالي
ياترى جدي ليه بكى ؟
علشان السؤال .... ؟
ولا لانه من زمان محد جلس معاه وصار مجلسه فاضي واصدقائه اللي بعمره ماتوا وصار وحداني؟
صرت اجلس كثير معاه ونسولف مع بعض
امزح معاه وهو يضحك
لمن امي تطبخ من الاكلات الشعبيه ونحط له بصحن واخذه له
واقوله جدي غمض عيونك ولا تفتحها وبقرب الصحن لك واذا عرفت ايش الاكله فانت اذكى واحد بالعالم
وياعمري يغمض عيونه وهو فرحان واقرب الصحن من خشمه واقول له شمها وقول لي ايش هالاكله
وبسم الله عليه على طول يقول لي اسمها وهو مستانس وانا اشجعه واقول والله انك ذكي ياجدي
وهو يهز راسه بطريقه يعني ايه انا ذكي
سألته عن العاب زمان وقالي عنها .. من الالعاب اننا نجمع حوالي خمس صحى صغار
نحطها بالارض وناخذ وحده ونرميها على فوق وبسرعه نمسك حصى ثانيه ثم نمسك الحصى
اللي رميناها قبل ماتطيح بالارض .. هاللعبه يبغالها سرعه
وفي كمان لعبة ثانيه علمني عليها جدي وهي مره حلوه
يقول ..
ناخذ خمس حصى صغار ونحطهم بباطن الكف ثم نرميهم على فوق ونقلب الكف ونخلي الاحجار كلهم
او بعضها تروح عند الكف .. بعدين نخلي الخصم يختار حصى بحيث اني ما احركها ولا اخليها تطيح
وابدا احرك كفي يمين وشمال علشان اطيح باقي الحصى واذا طاحت الحصى اللي اختارها الخصم اخسر
اما اذا ماطيحتها فانا الفائزة
صرت العبها مع جدي .. اللعبه حلوه وممتعه .. ولو انه دايم يفوز علي
يومياً على هالحال ..سوالف - مزح - ضحك - اهمزه (يعني مساج خفيف )
قرب السفر
سافرنا
والحزن واضح على جدي .. وحزنت انا معاه
كانت احلى اللحظات اللي مرت علي هي جلوسي مع جدي
بنات
كم وحده فيكم جلست مع جدها ولا جدتها ؟
كم وحده فيكم مزحت معاهم ؟
كم وحده فيكم طبخت من الاكلات الشعبيه اللي يحبونها وقدمتها لهم بنفسها ؟
كم وحده فيكم لعبت معاهم بالعابهم الشعبيه اللي يحبونها ؟
كم وحده فيكم همزتهم وسوت لهم مساج خفيف ؟
ايش ذنبهم انهم كبروا بالسن وصاروا معزولين عنا وكأنهم آفــه
ايش ذنبهم اننا مانجلس معاهم ونسولف .. لان تفكيرنا غير تفكيرهم !!!
ايش ذنبهم ما نأكلهم من الاكلات اللي تعودوا عليها (الاكلات الشعبيه).. وما نأكلهم الا من اكلات زمننا هذا!
بنات ...
والله القعده معاهم ماتتفوت ..
تخيلوا لا سمح الله طواهم التراب .. والله راح نندم على كل لحظه ماجلسنا معاهم فيها
واخيراً
من توعدني تهتم بكبار السن وتعطيهم من وقتها ولو قليل تحسسهم انهم لازالوا موجودين
اختكم #ران موري#
);"]
كم تمنيت يكون عندي اجداد لكن الحمدلله على كل حال
الله يرحمهم ويرحم اموات المسلمين