صديقاتي وغربتي

السلام عليكم ورحمة الله وبركاته
انا يا بنات في حيرة من امري انا فلسطينية ومغتربة في جزيرة فرنسية في البحر الكاريبي , هية جزيرة صغيرة جدا وعدد العرب والمسلمين فيها قليل , تعرفت على بنات فلسطينييات في الجزيرة همة ساكنين في العاصمة وانا متل ما تقولوا ساكنة في المحافظات بعيدة عن العاصمة 39 كم , وعلاقتنا كانت جدا رائعة طلعات ومناسبات وزيارات وقلوبنا على بعض وكل يوم نحكي مع بعض , نطمن على بعض , انا والحمد لله على كل حال لحد الان ربي ما رزقني بالاولاد ففي فراغ كبير يعني في حياتي مع اني بشتغل مع زوجي والحمد لله , لكن شفت فيهم االاخوات اللي انا منحرمة منهم في غربتي , لكن فجاة صار خلاف بين زوجي وازواجهم ال2 والله الشاهد علي انه زوجي ما غلط معهم بس للاسف الله يصلحهم طلعوا بخدعوا بالشغل بطريقة مش مزبوطة , الله يهديهم ويهدي الحال يارب , فجاة صديقاتي ال2 مع بعض قاطعوني لا تلفون لا رسالة ولا شي , حاولت انه افهم منهم انه انا غلطت بشي حكيت شي , هل السبب انه المشكلة اللي صارت بين ازواجنا كان ردهم انه لا ما في اي شي بس مشغولين مع هالاولاد وهالبيت وسحبت من شهر 5 السنة الماضية لهلا , انا كتير مضايقة وحاسة بفراغ مش طبيعي في حياتي وانحبست في البيت لانه ما في حدا اروح عنده او ازوره او احكي معاه عربي والله اشتقت لاحكي عربي , وحاسة اذا بعتت مسج الهم انه احاول مرة تانية معهم انه نرجع العلاقات متل اول ولو على الاقل تلفونات انه بقلل من كرامتي مع انه بعرف ما في هالشي بين الاصدقاء بس من ردة فعلهم القاسية معي انصدمت يعني عشرة 5 سنين راااحت بحح,وكمان المسلم منا لازم يبادر بالصلح ولو كان مش غلطان,والمشكلة انه غربتي مطولة يعني بدنا شي ان شاء الله كمان 10 او 15 سنة ,وكل ما تصير مناسبة عند وحدة من العربيات او طلعة شي مشوار بعتذر لانهم بكونوا موجودات وما بحب انحط بموقف محرج مثلا انه اقعد لحالي هيك وما حددا يحكي معي مع اني جدا اجتماعية بس الواحد ما بعرف شو ممكن يصير ..همة متل ما حكيت ساكنين في العاصمة مع غالبية العربيات فدائما زيارات عند بعض وطلعات وانا اللي بعيدة فيحكي لو برجع العلاقة يعني بصير اروح واجي واغير جو لانه والله الغربة صعبة الله يهونها يارب , بنات كل وحدة تحط حالها مكاني شوي بتسوي ؟؟؟ابعتلهم اولا ؟؟واذا بعتلهم رسائل وما ردو شو اسوي , خلاص انسى الموضوع اسلم امري لربي ؟؟؟