السلام عليكم ورحمة الله وبركاته
واسعد الله اوقاتكم ... اخواتي العزيزات اول مشاركة لي بعد ان قرأت حكايات البروجسترون مع كثير من الاخوات
وتجارب كل واحده ..وحبيت اشارككم حكايتي مع البروجسترون وكمان اليوتينايزنك هرمون مااعرف اسمه عربي
انا زوجه من 4 سنوات بدية زواجنا زوجي كان يعاني من التهابات شديده في المسالك البولية وبسبب خطأ دكتور صار
يعطيه مسكنات بدون مايعالج الالتهاب وحتى بدون مايطلب تحاليل الين قلب التهاب بسيط الى التهاب مزمن وشديد
بسببه يعاني زوجي من الام شديده جدا لدرجة انه احيانا يبكي من الالم واستمر هذا الحال واحنا نتنقل من دكتور
لدكتور لدرجة استشاري قال لزوجي ممكن تكون اتحسدت ؟؟؟ استشاري يقول كذا.. زوجي اتأقلم على الالم وانا مع
معاناة زوجي نسيت نفسي بعد سنتين ونصف او اكثر بدأت الدوره في عدم الانتظام والام شديده وزيادة وزن اقترحت
علي دكتورة اعرفها ان احلل هرمونات وانصدمت بان البروجسترون 1,72 وطبعا الكل عارف انه هذا الرقم صدمه لانه
يعني مافي تبويض اصلا ...المهم اعطتني الدكتوره دوفاستون واستمريت عليه تقريبا 21 يوم بس ماناسبني لانه
الدورة استمرت علي مره افرازات بنيه مره قطرات من الدم اكرمكم الله المهم خفت وقتها على نفسي ورحت اسوي
تصوير للرحم واكتشفت ان هناك تكيس داخل الرحم ...المهم طلبت مني الدكتورة تحاليل واستخدام بروجليتون لمدة
شهرين بعدها احلل..استخدمته شهر وماصبرت حللت وجدت LH21 طبعا هذا مو معقول كثير هذا ثاني يوم الدوره
والبروجسترون في يوم 21 من الدوره اتحسن شوي صار كم ؟؟؟؟؟؟؟؟؟؟؟؟ 4 بس شايفين كيف التحسن
المهم قلت ولا ادويتي ولا ادويتك احسن شي اتوكل على الله سبحانه وتعالى واشوف شي طبيعي اخذه المهم
بدأت ابحث ولقيت وصفة والي هي::
سبع تمرات شقرا _ ملعقه رشاد _ ملعقة زيت زيتون _ ونصف كوب ماء
نحطهم على بعض ونسخنها على الغاز شوي وناخذها على الريق في الثلاث الايام الاولى من الدورة اول ماشفت
الوصفة كتبتها ومافكرت انفذها بعدين لما مليت من الادوية بدأت افكر اسويها وصار سويتها واشتريت عسل سدر ولقاح
نحل وطلع النخل وغذاء ملكات النحل وخلطها وصرت اكل انا وزوجي منها تحليل زوجي الحمد لله اتحسن جدا جدا
وانا سويت تحليل ثاني يوم الدوره وانا كنت اكله التمره الشقرا مع الرشاد والحمد لله النتيجه كانت رائعه وهرمون LH
طبيعي ولله الحمد كان 7 شفتوا الفرق بين 7 و21؟؟؟؟
لله الحمد والمنه ..استمرينا على العسل انا وزوجي وبعدها سويت تحليل البروجسترون وراح تتفاجأو من النتيجة
طبعا الطبيعي بين 10 و80
نسبة البروجسترون عندي طلعت 51 ... والله العظيم هذي النتيجة
بس كمان انا تركت المشروبات الغازية والفاست فود والاشياء المجمدة وما الى ذلك والحمد لله
حبيت اقولكم على الشي هذا عشان تستفيدوا ... والله العظيم هذا الي حصل وبسبب وصفة شعبية كتبتها وركنتها
اكثر من 7 شهور ....الله يرزقكم ويرزقني بالذرية الصالحة اللهم امين
اتمنى ان تقبلوني صديقه ومشاركه لكم في منتداكم
تــحــيــاتــي
smaa2009 @smaa2009
عضوة جديدة
يلزم عليك تسجيل الدخول أولًا لكتابة تعليق.
jawhara.casa
•
جزاكـ الله كل خير
مارشمالو
•
ما شاء الله تبارك الله
الله يتمم عليك يا رب .. و يرزقنا و اياك الذرية الصالحة السليمة و كل أخت بالقسم
و حياك الله بيننا يا عسل .. و الخلطة اللي ذكرتيها خلطة الأخت ( دمعة سفر ) الله يجزاها عنا خير
الله يتمم عليك يا رب .. و يرزقنا و اياك الذرية الصالحة السليمة و كل أخت بالقسم
و حياك الله بيننا يا عسل .. و الخلطة اللي ذكرتيها خلطة الأخت ( دمعة سفر ) الله يجزاها عنا خير
كلي خير
•
الله يجزاك خير على الوصفة وعلى النصيحه وان شاء الله ما تطولين عندنا الا وانتي بقسم الحمل والولاده يارب
وحنا نكون معكباذن الله والله كريم
وحنا نكون معكباذن الله والله كريم
الصفحة الأخيرة