صديقتني الله يسامحها احرجتني وجرحتني قدام زوجي

السلام عليكم ورحمة الله وبركاتة


انا عندي صديقة من 8 سنين تقريبا , بنفس عمري وعلاقتي فيها جدا رائعة ,
بداية تعارفنا بمدرسة في مرحلة الثانوي كنا جدد على المدرسة , وتعرفنا انا وهي
ومعنا وحدة يعني 3 صديقات قضينا ايام ولا احلى منها كل الثلاث طبعا انا خلصت
اول ثانوي واتزوجت, من تزوجت لاحظت انهم بدوا يتغيروا بس انا حاولت احافظ عليهم
لانهم نادرات بصراحة مو بنات الاجيال ذي , دين واخلاق , المهم وحدة منهم تغيرت مرة
ماصارت تدق علي وتكلمني بعذر متسحية يمكن زوجي عندي رغم اني مفهمتهم وقت
عمل زوجي ووقت وجودة بالبيت عشان اذا بغوا يكلموني ,,, <<المهم لما قاطعتني قلت
بالطقاق مو بالقوة الا تكلمني وتحبني بكيفها ,,, نجي للثانية كانت علاقتي فيها رووعة
دايم وقت اتضايق اكلمها ارتاح تهون علي , وهي نفس الحكاية نريح بعضنا , < على الرغم ان
صديقتي هاذي هي والثانية علاقتهم رائعة جدا ماتقاطعوا ودايم ناخذ اخبار بعضنا منها , لما تكلمني
تقولي فلانة ذيك دايم تسأل عنك وتسلم عليك وانا نفس الحكاية .... المهم تزوجت هذيك والله يستر عليها <<ماعاد تهمني ...
اما صديقتي هاذي تملكت على ولد عمها وكانت معاي على طول تكلمني ونسولف ونشكي همومنا لبعضنا ,
الى جاء هذاك اليوم بعد العيد طبعا اتصلت علي وقالت زواجي اتحدد بعد شهر وحددت اليوم الفلاني التاريخ الفلاني ,
وقبل زواجها بااسبوعين اتصلت علي وقالت بتجين زواجي قلت لها اعذريني وربي نفسي احضر بس بطني
تعبان وحالتي الصحية مش ولابد << وفعلا انا صادقة ومع ذلك زوجي كان رافض اني اروح زواجها ...
المهم وقعدت تبكي تقول لازم تحضرين عشان افرح ان صديقاتي حضروا ومن هالكلام , << عاد انا حنيت عليها
وربي لانها يتيمة بعد , قلت لازم افرحها , واقنعت زوجي والحمد الله وافق بعد جهد جهيد , وكمان رحت اشتريت لها
هدية رغم الوقت كان ضيق بالنسبة للتاريخ اللي اعطتني اياة على اساس انة زواجها <<< طلع اجلوا الزواج
وهي كلمتني قبل تاريخ زواجها المزيف بيومين وقالت ماابا اتحنا وانا اقنعها اقولها اتحني مامعاكي وقت
ومن هالاكلام , لين جاء اليوم الموعود وانا اتجهز واتزبط على الاخر ويجي زوجي مسكين من العمل بيوديني
الزواج , بنفس الوقت اتصلت علي عمتي قالت ترا زميلتك زواجها مو الليلة قلت لها كيف هي توها
كلمتني قبل يومين وماقالت لي الزواج تأجل , قالت اخت العريس صديقة بنت اختي << قلت لعمتي بثقة
صديقتي ماتخبي علي شي وتوني كلمتها قبل يومين وتكلمنا عن الحناية وماقالت لي الزواج تاجل , <<وانا اضحك
واقول بنت عمتي اللي قالت لك الزواج تاجل شكلها فيوزها ضارب << لاني كنت واثقةبزميلتي ,
وماصدقت قلت لزوجي قال يلا اوديك القصر مو بعيد عن بيتنا ومنتي خسرانة وفعلا وداني والله يابنات
لما شفت القصر مقفل ياني انصدمت وبغيت ابكي ,, لية صديقتي سوت فيني كذة واحرجتني مع زوجي ,,
المهم رجعت البيت ودقيت عليها وردت وقلت لها اني تجهزت وليش تعطيني التاريخ غلط , وقامت تعتذر
وتقول هم اجلوة وانا قلت لصديقتي هذيك ومعقولة ماقلت لك ان الزواج تأجل للاسبوع الثاني , قلت ماعلية
صار خير , وهي تعتذر قالت بزورك اليومين ذي اشرب قهوتك واراضيك عشان تحضرين فرحي , وانا سكتت
وانتظرت تزروني ولا تكلمني وهي لا حس ولاخبر , وخلاص زواجها صار والله يوفقها ...
<<<< بس قهرتني حركتها وربي خلاص كرهت شي اسمة صديقات , وقررت اسحب عليها ,
حتى زوجي بيموت ضحك من الموقف ويقول هذي صديقتك اللي كاشخة فيها , اقولك ماابيك تروحين
وتصرين علي الا بتروحين ,قلت في نفسي توبة انت اولى من اي احد ,طز فيهم من صديقات ....

بنااات وش رايكم بموقفها ؟؟؟ وش رايكم بموقفي ؟؟؟ ومن قد انحطت بنفس لموقف تكشخت لزواج
وماحضرتة , تهون علي , لاني صرت فاكهة المجلس عند زوجي واخواتي واخوي , بس يتمسخرون
ويتسلون فيني هههههههه