صديقتي تبي تتزوج من واحد..

صديقتي وبنت عمي انسانه عزيزه علي جدا
اقترحت عليها تسجل فالمنتدى وتكتب مشكلتها لكن التسجيل موقف حاليا
المهم اني بكتب مشكلتها وانتم عطوها رايكم

هي مطلقه عمرها 31 سنه ماشاء الله جميله وخلوقه ماينقصها شي عندها بنتين صغار الله يخليهم لها
المشكله ان قلبها متعلق بقريب لها من جهة امها ...طبعا هو مايدري عن اعجابها فيه من الطفوله لانهم كانوا قريبين من بعض كـ سكن لما كانوا صغار
هو توظف وماشاء الله اموره تمام بس ماتزوج
وهي تزوجت وتطلقت بسبب مشاكل كثيره مع زوجها

المهم انها الحين تفكر تفكير جاد بطريقة تقربها منه يعني تكلم وحدة من النساء الثقات وتخليها تكلمه عنها
انا بصراحه ما اايد فكرتها هذي احس انها مجازفه خصوصا انه ماتزوج وماظن بيفكر بوحدة مطلقه وعندها بنات ؟؟؟

مع ان بنت عمي جميلة جدا ماشاء الله وخلوقه وملتزمه ويمكن التزامها هو الي خلاها تفكر بهالفكره من باب انه مافيها شي الوحدة تخطب لنفسها اذا وجدت الانسان المناسب لها

انتم وش رايكم بكلامها؟؟؟
تكلم الحرمه الثقه وتخليها تجس نبضه ولا لا؟؟؟؟
انا خايفه يرفض وتجيها صدمه وفي نفس الوقت اقول ليه لا ممكن ربي يكتب لها نصيب معه ؟؟؟؟؟