صديقتي عينها على زوجي وزوجها عينه علي

السالفه توي اتنبه لها زين
صديقتي بينها وبين زوجها مشاكل بسبب سفراته وتدخينه وصياعته
وكانت دايما تشتكيلي شفت له مقطع يرقص مع وحده لم رجعت من عند اهلي بعد الاربعين لقيت ختم في جواز السفر يعني مسافر كنت اهديها واواسيا هذولا رجال عندهم ان اي شي يسووه عادي ولاكانهم مسوين شي انتي اصبري وتحملي عشان عيالك والله حرام اللي تسويه بتأثر على نفسياتهم هم مساكين مالهم الا انتي خلي الرجل بكيفه مصيره يعقل ويعرف مدى صبرك عليه
دايما في نقره هي وياه
من فتره صارت تسألني زوجك يطلع استراحات
زوجك من شلته
زوجك يغازل
وانا ارد عليها بصدق لا الا الغزل في الماسنجر بس قالت والله طيب كيف تعاملتي معاه قلت عادي قعدت الومه واذكره بعقاب رب العالمين وتركه
وكل ما اقابها تقعد تسأل عن زوجي هويغازل وش تسوين معاه اذا سوى شي من هالسوالف وارد عيها بصدق واحيان اجيب لها كذبه عن تصرف تصرفته مع زوجي وانه صارت بينا مشكله وهي ايه وش سويتي ووو
دايما كل مانجتمع تسألني عن زوجي الى اخر مره سألتني زوجك جاوحده غيرك...انتم فاهمين
بصراحه خفت وقلت ليش سامعه شي عنه قالت لابس سوأل قلت والله ماادري وزوجك طيب قالت ياكثر وهي تضحك زي اللي ميت عنده الاحساس
وتسولف علي تقول انا وزوجي دايما نتكلم فيكم اقول لزوجي شوف فلان ياحض فلانه فيه وزوجي يقول شوفي فلانه
بنت رجال ومتربيه صدق الواحد يأمنها على بيته وعياله شفتي لما حصل ظرف لزوجها وغاب عن البيت يومين مافتحت الباب لاحد (هي كانت تدق على ذيك الفتره تقول بجي عندك بجلس عندك لحد مايرجع زوجك وانارافضه افتح الباب لاحد طبعا كنت بعيد عن اهلي)وكانت مكالمتها بامر زوجها بحكم ان زوجها زميل زوجي ومستحي من زوجي يتركوني لحالي
صار على هالسالفه اربع سنين وهو مانساها تقول يقولي شفتي كيف خافت على نفسها ولافتحت لاحد
وتقول لي دايما لما نمر في الشارع اللي قريب من بيتكم اناظر انا وزوجي بنشوف انتم فيه ولالا
احسها هي وزوجها عينهم علينا
طبعا كل هذا وزوجي مهو داري انا اخبي عنه يعني موكل سوالف الحريم توصل له
انا ارتاح لها بسوالفها عن موضه عن لبس بس هي لها سنه وشوي وهي ماله سيره غير زوجها وزوجي