صديقتي غاااااامضة كيف أقدر أفهمها ؟؟؟؟؟

السلام عليكم ورحمة الله وبركاته يابنات أنا عندي صديقة جمعني فيها ربي صدفه في الجامعه كلنا طالبات في نفس الجامعه بس كل وحدة من كلية والحمدلله أني أجتمعت فيها .. تعرفت عليها لما كنا نجتمع في مجالس الذكر اللي تقيمها الجامعة وهالمجالس بشكل يومي كنا في بداية علاقتنا مجرد سلامات واسئلة عامه زي كل الأسئلة اللي توجه لعموم الناس ومع الوقت كل وحده فينا صارت تتقرب للثانية حتى قربنا من بعض من البداية أنا اكتشفت ان شخصيتها مختلفة تماما عن شخصيتي بس أنا اعرف انه مو شرط نكون طبق الأصل عن ةبعض عشان نكون أصدقاء وغير كذا أصلاً البنت دخلت قلبي وصرت ودي أفهمها أكثر .. وهي كانت ومازالت غااااامضة ولا أدري ليش سبحان الله يابنات انا قمة في الوضوح وهي قمة في الغموض المهم ما شكلي هالشي أزمة في البداية وكنا كل وحدة فينا تحث الثانية على الخير وعلى مجالس الذكر وعلى كل طاعة بعد ما أنسجمنا مع بعضنا ووالله أنا البنات كانوا يحسدونا على علاقتنا حتى صديقاتها صاروا يغارون مني مره
قلت لكم كل وحدة فينا من كلية المهم صار تحول شنيع في علاقتنا فجأة وبدون سابق إنذار تغيرت المعاملة والسبب طبعا غيرة صديقاتها الله يهديهم وكلام البنات المهم تجافينا أربع شهور والحمدلله كانت الإجازة الصيفية الماضية لأني ما أتحمل أكون في الجامعة وأحنا كذا متجافين كنت أخاف من ربي ما يرفع عملي لأنكم عارفين أن اعمال المتخاصمين ماترفع ووالله لوتسألوني وشو السبب بالضبط في الزعل أقولكم مدري والله بس أكيد الشيطان هو السبب مع أني والله حاولت كذا مره أفهم سر التغير بس بدون فايدة قلت لكم هي غامضة وكنت أموت من القهر أذا سألتها وش فيك وماترد احسها ما تبيني المهم كانت محاولاتي الأخيرة أني بعد ما طنشت لي شوي خلاص ماعاد فيني ما أحب هالحركات احب أعيش بسلاااام مع الكل فرحت لها لحد قاعتها وكلمتها وسألتها من جديد وكانت كالعادة ساكته وتقول كالعادة ما فيني شي وأخر شي بعد ما عصبت وقمت الطش في الكلام قالت لي ما عندي شي أقوله لك فقلت الله يحلللك ويبيحك وخلاص الوجه من الوجه أبيض ولا يصير حالنا زي الكفار نتقابل ولا كأننا نعرف بعض لأزم نصير متسامحين .. المهم بدت الجفوة بعدين عطلنا ز ماقلتلكم المهم بعد ما بدينا ترم جديد الحمد لله بدت علاقتنا تتحسن وطبعا كنت أنا المبادرة للصلح لأني شفت أنها متحسفة على اللي صار وودها نرجع زي ما كنا بس لللأسف ما رجعنا زي ما كنا صارت هالمرة أكثر غموض من أول ومع كذا تبيني أسأل وأدورها وأهتم بشؤنها وهي طويلة العمر ما تكلف نفسها عنوة السؤال ولا تدورني تستناني أنا اللي أبادر وأدورها يعني بصريح العبارة هي غير مبادرة ..
الأكيد ان كل وحدة فينا تحب الثانية بس مرة المكابريلعب دور الشيطان وأنا ما عمري كابرت عليها بالعكس دايم أكون اللي ترخي حبل الوصل المهم الحين أنا وصلت لمرحلة من الطفش والحيرة لحالها ماتعرف تعبر عن شعورها ولا عن مشاكلها ولا تبادر وانا بصراحة مليت وكرامتي ما عاد تسمحلي خلاص لكل شي حد طاااالت السالفة كل مرة لازم أكون أنا العاقلة والمتفهمة وهي ما تتفهم لا والله أستغفر الله هي فيها ميزة تخليني عندي أمل فيها غير أنه تحبني أنها تحاول تطور من أسلوبها معي وأذا أخطأت تحاول ترقع السالفة مع انها ماتعتذر بشكل صريح بس معليش مقبوله منها يلاه المهم يطلع منها شي يابنات تخيلوا حتى أخر يوم في الأختبارات الناس يسلمون على بعض وكل واحد يودع الثاني ويتحلل منه وهي والله من قوة مكابرها جتني الكلية وتمر على المكان اللي أنا متعوده أجلس فيه ولا تقدر تتخذ قرار أنها تسلم علي مع أني أدري زين أني أنا أهم وحدة عندها وأهم شخص لازم تودعه بس تخيلوا جلست ربع ساعه تروح وترجع ودها كالعادة أنا اللي أناديها وأودعها بس أنا قلت كفاية كفاية لمتى وش هالصداقة اللي كلها مكابرة يالله أرحمنى .. والله أنا عاقلة وما أحب هالسوالف السخيفة خلاص مادامت جت تسلم بالمرة .. بنات مدري وش لون يفكرون .. المهم لي أسبوعين معطلة ولا كلمتها أبد مع أني معودته أكلمها عل الأقل مرتين في الأسبوع بس خلاص ماعاد فيني والله أني من كثر غلاها ما أحاول أوصل الحد الأئتماني عشان أكلمه كذا مرة أخاف ينفصل جوالي ولا أدري عن أخبارها وهي الله يخلف ما تدور .. هاه وش رأيكم في قصتي ؟؟