صديقتي محتاااااجه لدعواتكم .. لا تبخلون عليهااااا

بسم الله الرحمن الرحيم

اخواتي العزيزات

يعلم الله اني اكتب لكم هالرساله وقلبي يعتصر ألماً على صديقتي :(

والتي انقل لكم تجربتها وقصتهااا

لتدعوا لها بالخير والفرج وان يبعد الله عنها همومهاااا...:(

وانقل لكم قصتها حتى تساعدونا بالحل ... لان مشكلتها كبيرة ..

واسمحولي ع الاطالة

صديقتي المقربه تزوجت ممن تحب بعد 12 سنة خطبة وهي في سن ال 27 سنه

وهي الحين عندها ولد عمره سنتين ونصف ( الله يحفظه )

وهي والله العظيم وبشهادة الجميع مو مقصره في حقه وواجباته

ساكنه في مدينة ع الحدود بعيدة عن اهلها واهله

ما ينزلها الدوحة ولا يجيبها عند اهلها الا بطلعة الروح

وانا اقولكم جذي عشان ما تقولون ان عنده سبب للخيانة واللعب

والسبب الاساسي هو انه ما شبع من الدنيا واللعب

المشكلة تبدأ من تزوجت وهي بمشاكل مع زوجهااا قالت قبل لانها بعيده عنه ممكن عشان جذي عصبي

لكن العصبية استمرت لين بعد الزواج وبعد فترة من الزواج اكتشفت انه يتعاطى الحشيش ويشرب كحول ...

حاولت تصلحه لكن ما فااااد

مع انه يصلي ويقولهااا اخاف ربي الا انه يماشي اصدقاء السوء والمشكله الاكبر في اخوه الكبير

لانه يماشيه في هالطريق واخر شي سواه علمه على السفر وبنات الليل

لدرجة ان صديقتي سمعته مرة يكلم واحد من ربعه ويقوله تعال بنروح البحرين السفره على حسابي بتستانس

( واسمحولي ع الكلام بس ابي اوضح لكم حقارته ونذالته )

بتأشر على الي تبيها وبتجيك واذا تبيها بنت ( عذرااا ) بسعر واذا تبيها جاهزة ( ... ) بسعر وقاله انا افضلها ( .... )

عشان ارتاح من الصوبين ... شفتووووو النذالة :30:

ومن فترة قال حق رفيجتي انتي ما تبين تحملين مني صح .. لانها تاخذ حبوب ..

قالت له مابي احمل عشا ما اظلم الياهل كفاية ولدي

قالها خلاص انا اوعدج ما تحملين بس خليني اعاشرج بالحرااااام :42: مسكينه من الصدمه قامت تصفقه وتضرب نفسها

وتصارخ تقوله انا زوجتك مب رفيجتك انا حلالك حراااام عليك وتهااااوشت معاااه

وتم اسبوع ما يكلمها ولا يعاشرها وبعدين اعتذر

المهم ادري انكم تقولون ليش صابر عليه ... صديقتي ماعندها جواز قطري ومن جنسية ايرانية يعني على كفالته لانه زوجها

واذا طلبت الطلاق ممكن ما ينقل كفالتها على اخوهاااا ويبهدل عيشتهااا ويقول ما ابيج تعيشين بالدوحة

وخلاص يسفرهااا وهي اهلهااا هني ومالها حد برع ..

وبعد اقامتها انتهت ولا جددها لهاااا ... يعني مب هاااامه شي ..

وهي خايفه على ولدهاااا لياخذه منها ان تكلمت هي متأكده انه يخونها وزني مع غيرها ويشرب بس ما تقدر تكلمه لان تخاف انه يتمادى ...

لما نصحته عن الشرب قاااام يشرب بزياده وقدامهااااا..

وهو نذل وجبااااار ومتمرد لاقصى درجة ما يهمه احد يعني لا اهل بيكلمونه ولاشي اهله واااايد متأذين منه .. ومن شره ..

قولولي شنو رايكم وشتسوي ....

والله انا انقهرت وقلت لها تطلقي شلون ترضين تعيشين معاااه ويمكن يجيب لج امراض من هالوساخه الي يسويهاااا ..

لكن يوم فكرت عدل وفي ظروفها واقامتها وولدهااا ترددت

وقلت لها حاولي تكلمينه بهداوه وتقنعينه وادعي ربج ان يفرج عليج ويهديه .

هاي الي قلته لهاااا .. لان ما بيدي شي ثاني

(( ادعوا لهااا ان يفرج الله عليها وان يهدي زوجها )).

وآسفه مره ثانيه ع الاطاله