صديقتي وابوها وكم الألم

كيفكم بنات

اليوم مرت علي سالفه مره قهرتني هذي وحده من صديقاتي عايشه بمنطقه ثانيه متزوجه ومبسوطه ماشاء الله وعندها طفلين طبعا امس كلمتني وكانت جايه عند اهلها زياره واصريت عليها تجي تفطر عندي بحكم ان زوجي مع اخوياه ولاراح يجيني قبل الفجر

المهم قعدنا نسولف البنت هذي ابوها متزوج ثلاث امها ووحده بعد عندها اخوان منها والثالثه جديده عاد تقول ابوها نسونجي درجه اولى كله يغازل ويكلم بنات في امور رخيصه فقط اشباع لشهوته وياما مشاكل في بيتهم البنت كان عندها جفاف عاطفي وكانت قبل الزواج تكلم شاب بس عمرها ماغلطت معاه اخوانها اكتشفوا الموضوع وضربوها ضرب ابوها خذاها وجلس يحقق معاها ووعدها لو قالت كل شي انه راح ينسى الموضوع وحلف ع المصحف ان هالموضوع محد يدري فيه
ولملم الموضوع وكذب اخوانها وقال انكم ظلمتوها وختلقوا سالفه ثانيه المهم تقول هالموقف عمرها مارح تنساه لان ابوها وقف معاها ومابين اي شي وبعد هالموضوع بكم شهر انخطبت لزوجها الحالي انسان قروي فقير مافيه اي شي يشجع ساكن بقريه وهي جميله وانيقه ومن اسره راقيه وانجبرت تاخذه المهم انه عايشه معاه بسعاده ونست كل اللي صار ببيت ابوها وفجأه بعد ست سنين من زواجها كانوا خواتها من ابوها جالسات في سهره تقول كنا نسولف تقول اني كنت دائما اتقرب منهم واحاول اسولف معهم مهما كان خواتي تقول جلسنا نسولف وكانت مشكلتنا ابوي والحريم اللي يعرفهم وان هالشي زاد عن حده قامت قالت وحده من خواتها تدرين ابوي وش يقول عنك يقول انك خنتيه وانك كنتي راعية مغازل وان لو وحده مننا كشفها بيصب عليها زيت محروق تخيلوا طلع مفضح ببنته بكل مكان وهو حالف ع المصحف وبعد مرور هالوقت تقول حتى لما خطبك فلان ترا جدي قال زوجها وفتك منها قبل تفضحك تقول ومره سمعت ابوها يسولف مع عمامها وجالسين يضحكون ويتريقون ع زوجها انه فقير وشكله يجيب الهم وقاعدين يسولفون في زوجها ويتريقون ع شكله وسيارته وحالته مع انها تقول ان زوجها دين ويخاف الله فيها ومحترم اهلها بشكل مو طبيعي ماشاء الله تبارك الله وهي تحلف انه مو لانه زوجها ان اهلها ابوها واعمامها همهم مطارد الحريم وبخلاء. وبهرجتهم كلها من الديون

الحين هي تقولي ابي اكلم ابوي واقوله ان الله هداني ليش يفضحني بكل مكان تحلف انها نادمه قد شعر راسها بس خايفه ابوها يقلب عليها وعلى خواتها وخايفه يفضحها عند زوجها
وفي نفس الوقت هي تبيهم يحترمون زوجها مايسبون فيه بكل مجلس انا بصراحه عصبيه ومااعرف اعطيها رد حكيم قلت مالي الا خواتي الحكيمات لانه لو علي خذيت ابوها واعمامها بالرشاش