صفات وعادات اهل الزوج ؟ وايش الحل

السلام عليكم اللهم صل وسلم على محمد
الله يشفي مرضانا ومرضى المسلمين : امين




بنات اكيييد كلكم عشتو وتربيتو في بيت له عاداته واحكامه وطبيعيته ،،،،
لما تتزوجين يتغير عليك كل شي .، انا تزوجت ودخلت في عايله لهم صفات ماتوافق اللي تعودت عليه


منها عندهم البنت والولد سوا .... يعني اجلس معهم او زوجي يجلس معهم نفس السوالف
ياحليل بنت فلان حبيبه على امها
والله اهل فلان حطوو لنا من الحلا الفلاني واستقبلونا ويازين كلامهم وووووووو ..
غير انهم يسولفون عن سلفاتي مثلا ( فلانه ) حتى مايقولون ام محمد او ام فلان لا اسمها امس جتنا
وجايبهه حلا مصلحته ماشاء الله !!!
بفهم هالسوالف صح تنقال والا كيف انا احس عيييب
حتى زوجي انعدى لما اقوله سالفه من مناسبه يقولي منهي ؟ وش اسمها ؟
وكثيييير اسألته واحيانا اسكته سوالف حريم !! واحيانا غصب اجاوب لايحسب اني غايره من البنت !!
لدرجه مره اكلم صديقتي وخلصت قال وش قلتو .. قلت ولاشي بس توظفت حكومي وتقولي الزواج احلى من الوظيفه <<<< لانها عزابيه وقلتها بمزح
بعدها الله لايوريكم وش اسمها ؟؟ عندنا جاار بيعرس ؟؟
صرفته انها مو من الرياض .. بعدين قلت من جارنا فلان ؟
قال لا امزح بس ابي اعرف اسمها <<< اوووف متعود مررره بالاسماء والاشكال ..
تدرون وش مخوفني اكثر ان هو خطبني من سوالف اهله واخواته .... يوم زارونا وكل ماتهاوشنا يقولي مدري كيف شافوك حبيبه وطيبه !!
غير هوشاتنا ايام الملكه كلها عند امه يقولي تذكرين يوم صار كذا رحت قلت لاامي اكيد البنت طيبه والا مجنونه < !!!! لاني من الحيا ماارد واسكر بوجهه خخخخخخ
قلت له وكل مشاكلنا كان عند امك قال ايه ياحليلها وتوقف بصفك والا كان ماااعرسنا <<< الله يسخر لي يارب والمسلمات امهات ازواجهم
(""""" كيف احل هالنقطه """" ) ؟؟ اللي هي السوالف؟!


المشكله الثانيه ماافي اي ميزه تفرق عن اهله
مثلا يأجل طلعاتي عشانهم وماعندي مشكله لكن اذا طلعت لي مناسبه فجاءه قالي ليش ماقلتي لي من اول اختي بوديها لصديقتها وبكره عندهم مشوار .. طيب مايحتاج تقولي انك مشغول مع اختك قل مشغول وبس
الا بيحسسني ان اهله فوق كل شي لان اخواته قايلين له عن مرت اخوه اذا بغو اخوهم بطلعه رفضت ويجي اخوهم يقول والله زوجتي عيت تقولي بروح مشواري اول << مافي اسرار ؟؟ انا اخاف ارفض ويروح يقولهم ويشيشون عليه خصوصا ان رضاهم من رضاه
واذا نزلت وصبيت قهوه ووزعت حلا يجيني فرحان وحتى لو مايبي يقول اقوله شفيك يقول اهلي قالو عنك انك فزعتي وماجلستي ووو .. واذا جاني بعد المناسبه اللي اكون عجزانه فيها يصير بارد وماله خلق ادري انه كان ينتظر مدحي بس مالقى << لانه بعد كل عزيمه حريم عند اهله لازم يروح يجلس معهم شوي سواء حضرن العزيمه او لا < شكله يخاف تفوته السوالف خخخخخخخ
(( كيف احل هالنقطه ان لازم ارضي اهله ورضاهم من رضاه .. هم اهله ماينلام بس احساسي اني دايمه معرضه للخطر يتعب صدقونيييي يتعب لان هوشاته ماتتخيلون كيف حتى لو قطو علي كلام ابلع واسكت )))))) !؟؟؟!!


المشكله الثالثه ويمكن بايخه بس مستغربتها ههههه
الاحضان اخواته كبري واصغر اصغرهم اولى جامعه
المهم طبعا اللبس فرررري عندهم ومره اول زواجي قالي ماودي اخواتي يلبسون كذا لكن مابيدي شي
ورحنا ايتام للبجامات اشتري لي وابي ينقي معي طلع وحده قالي شرايك تناسب اختي ؟؟ قلت ايه قال لا ضيقه ابي شي واسع
يعاملوهم كنهم زوجات اللهم ذاك الطوووط الفرق
اي محل اشتري ادخل لازم يدور لهم او لاامه حتى لو يدري اني ابي رإيه في اللي اختار يقولي دوري لهم ..
محل حلويات لازم يشتري لهم .. مطعم يدق يقولهم طالعين المطعم .. واحيانا يقولي متى تمونين عليهم عشان ناخذهم معنا << خخخخ


والاحضضضضضان .. بيتي وبيتي حمولتي جنب بعض يروح شوي ويرجع زوجي يجون يتعلقون ويحضنونه .. انا اخواني احضنهم بسفر او طولو او مناسبه
لكن هذولي راح جاب لبن ورجع حضضضضن
غير حبيبي وعمري واهلي والبوسات
ووحده من اخواته حساسه اذا حضنته عقب ضيقه تقوله كنت محتاجه لحضنك شكرا .. هههههههه
عاد هالنقطه ادري الكل بيعترض عليها لكن صدق الزوجه اذا مااحست انها مميزه وشلون تعيش ملييييكااا :d
وارجع اقولكم كل بيت له طبيعته


المهم ابي حلول تربويه ابي اصير ماافكر واوسوس كل ماراح لهم راضين مو راضين ؟؟
ابي احس انه شاريني انا .،،،،،
الله يجزاكم خير ويسعدنا ويسخرهم لنا