صفات ووراثه .. تعالو البوح تبي تعلمكم 😂...

هلا وغلا حبيباتي ...


يقولون .. ابن الوز عوّام . ومن شابه اباه فما ظلم . اقلب القره ع تمها تطلع البنت لامها ...




صفات خذوها منك عيالك .او من ابوهم ....


نقول بسم الله ... عبود ربي يقاه اخذ مني صفات قلة الانتباه ماينتبه ابد مثلي ادربي راسي ولا اطالع غير للشي اللي قدامي ... طبعا هالصفه هذي من اسوء الصفات لان راعيها بالغالب يتعرض لطيحات او خبطات . يمه ربي يحميه عبر الشارع قدامي وكالعاده يمشي مثل امه ويطالع سيده ما التفت لا يمين ولا يسار وانا اصرخ وزوجي يركض وراعي السياره يسحب فرامل . وعبود ماشي مكمل طريقه يارب تحميه . والله وقفت السياره بينها وبينه كم سانتي ... وامسكه ابوه من شعيراته للارض . وطقه طق انتبه مره ثانيه اذا عبرت الطريق ....وقبل كم يوم سوى نفس الحركه ونفس الشي ابوه قام عليه .... سبحان الله قلة الانتباه صفه فيني شخصيا . وشفتها بولدي يارب تزيده انتباه ......


بنت اختي ماخذه من امها صفة الحرص سبحان الله حريصه ع اغراضها نفس امها سبحان الله .وحتى لما بتنزل شباصه او شي . تحطه بحضنها وتسكر رجليها عليه عشان مايضيع .....


ولد اخوي . ماخذ من ابوه طيبة القلب ماشاءالله تبارك الله . ابد نفس اخوي قلبه طيب وحنون ودمعته ع طرف عينه .....


ولد اختي ماخذ من امه سرعة الكلام . والقرقره اللي بلا فايده ... يقرقر بسرعه والله نص قرقرته ما افهمها مثل امه كلامهم سريع ...


اخوي الوسطاني ماشاءالله ماخذ من ابوي الله يغفر له ...اسلوب المسايسه بالكلام والاخذ والعطا والتعامل بهدوء . وبنته سبحان الله نفسه هاديه تاخذ وتعطي وتسايس بالكلام لين توصل للي تبي ....




صفه شخصيه شفتيها ع اطفالك .... سواء كانت فيك او في زوجك .... حياكم الله حبيباتي ....