صورة ملابسي للعيد .. حابة أخد رأيكم

السلام عليكم ورحمة الله وبركاته ..

تقبل الله طاعاتنا وطاعاتكم وأعاد علينا شهر رمضان بالخير والبركة .. وكل عام وانتو بخير مقدماً :)

اشتريت لبسة للعيد وبعدين لبقت من عندي شغلات للبسة تانية ، بس محتارة بكم شغلة وحابة اخد رأيكم ..

طبعا الفساتين زهقتها صار لي سنتين بلبسهم باستمرار فحبيت اغير هالمرة ..

اللبسة الاولى الأساسية تنورة حمرا و بلوزة موردة و جاكيت طويل زهري فااااتح .. طبعا الجاكيت ما بيتسكر ولا اله جوانب اصلا يعني كانه اكمام وضهر بس ..
والاكسسوار اساور زهري وفضي ودهبي ...
السؤال هو شو ناقص اكسسوار ، وشو لون الصندل المناسب ؟

IMG_0597


IMG_0596

طالعة الصور عريضة ما بعرف ليه مع انه المقاس 14 :D


واللبسة التانية هي اصلا فستان قصير عجبني وما قدرت ما اشتريه بعدين تورطت فرح البسه كبلوزة مع جاكيت و بنطلون .. محتارة بين تلات بنطلوناات ومو عارفة اي اللي البق عاللبسة .. فبدي رأيكم
ورأيكم في الاكسسوار بما انه البلوزة كمان موردة .. ولون الصندل ..

كاني كترت طلبات ..

IMG_0591

على فكرة البنطلون اللي في الوسط بيج بس لونه مش زابط بالصورة

وهي نقشة الفستان / البلوزة من قريب

IMG_0593


ويا ريت ما حدا يقترح علي الجاكيتات القصيرة اولا موضتهم قدمت وثانيا ما برتاح بلبسهم ابدا .. :)

مشكورين مقدما للمساعدة