صيف التغيير.....خبراتكم يا أهل الخبرة!!

جااااااااااااااايه مطيره >>>>>>>>
يسعدني اكون اول وحده ترد انا زيك قررت يكون هذا الصيف غير انا ماعندي شغاله وعندي عيال كلها اسبوعين ويعطلون وناويه عليهم نيه (ناويلك على نيه بس انت اصبر شويه)راح اخلي الراحه اللي كانو فيها ايام الدراسه ينسوها بحجة اني ابغاهم يركزون على الدراسه تصدقين كنت ناويه انزل موضوع بس دامك سبقتيني باشاركك فيه واضم صوتي معك ياريت تعطونا نصايح كيف نستفيد من هذي الطاقات المهدره واللي كلها تروح مضاربات مع بعض او في التخريب والتدمير او ضياع الوقت في لعب البلاي ستيشن والتلفزيون والسهر وعشره خطوط تحت كلمة السهر والله اني اكره الصيفيات بسبب عيالي الله يصلحهم اعطوني جدول او اي شي يناسب الصيفيات وحطوا في بالكم ان الصبح راح يكون ملغي من الجدول راح يكون نووووووم بحكم المناسبات اللي راح نحضرها مجبورين والسهرات ووووووووووالخ)وآسفه صاحبة الموضوع اذا كنت ضيف ثقيل بس من الحماااااااااس

والله إني مثلكم ماعندي شغاله وعيالي طول اليوم طق ومطاقق وكلهم يطالعوا بعض لين أقول ساعدوني كل واحد يقول فلان يسويها ولين ساعدوني يوم يضربوا بعضهم على توزيع المهام حتى ولوا حطيت جدول لازم واحد مايمشي على النظام كسول ويتهرب ومن يشوفوه يتهرب هم بعد يهربوا سويت جدول ولصقت فيه صورهم ووعدتهم بالهدايا بس مايمشوون عليه لين يعلنوا العصيان خلاص مستعجلين على الهدايا أي شغله هدية ولا مايسوون
وهذا الجدول


هذا أيام المدرسة
أتمنى أحد يعطينه أفكار لتطويع أولادنه للمساعده في العطله وربي يهديهم

الله يعينا على تربية الاطفال..

* الاتكالية الزايده على الخدم لازم الام من البداية تعلم اطفالها ايش الاشياء اللي الخدامه تسويها..

يعني كاس الموية ما تجيبه لك..قوم انت اشرب بنفسك..

ما انسى اول خدامه دخلت بيتنا كنت برابع ابتدائي.. كنت جالسه اتفرج عالتلفزيون وناديت الخدامه تجيب لي موية..

امي الله يطول بعمرها طيرت عيونها علي وهاوشتني.. قالت: قومي انتِ، استحي على وجهك عيب عليك.. هي شغلها تنظف البيت والمطبخ مو تجيب لك موية..

من بعدها لاااااا يمكن اامرها بشي مماثل...ولما اشوف احد يطلب من خدامته طلب زي كذا انقد عليه..

* سوي جدول بالمهام اللي مطلوبه منهم.. وحطي نجمه عند كل شغله ينجزونها..

مثل ترتيب السرير.. ترجيع الالعاب مكانها..

واخر الشهر تهدين اللي انجز اكثر..

فقط اللي انجز اكثر..خلي باقي اخوانه اللي ما تعاونو معك يبكون من الغيرة..عشان يتعلمون ويعرفون ان السالفة جد..

*و حاولي تخلينها بقالب لعب.. مثلا مسابقه.. انتِ المطبخ وهم غرفتهم..من يخلص اول..

او تلعبون حريم خخخخـ تتخيلون بيجيكم ضيوف وترتبون البيت مع بعض وبالخير تضيفين عيالك بكيك وعصير وتسولفين معهم كانهم ضيوفك..

ومرة لعبة حرب.. الحوسه هم الاعداء.. ولازم تتغلبون على الاعداء وتزيلونهم عن الارض.. باستخدام الاسلحة(مواد التنظيف)

وهكذا.. خلي الشغل لعب ووناسة..موشي مكروه وملزومين فيه..

ان شاء الله اكون افدتك

استغفرالله
استغفرالله
استغفرالله

الله يسخرهم لك ويرزقك برهم