رمضان مبارك علينا وعليكم
الله يعيننا على صيامه وقيامه ويجعلنا من المقبولين
اليوم ابكتب لكم طريقة صينية خضار بس مو أي صينية
طعمها رائع ومناسبه للفطور..ولكل المناسبات وسهله
نجي للمقادير والطريقه:
بطاطس مسلوق نص سلق لاتكثرين سلقه بعدين ينهرس
اذا سلقتيه خليه يبرد وقشريه وقطعيه حلقات بس ماتكون خفيفه مره
ورصيه بصينية بايركس عادي لو حطتيه فوق بعض مو مشكله
(انا استخدم الصينية الوسط) يعني حسب عددكم
خلصنا من البطاطس الحين جيبي صدور دجاج مقطعه وترا في ملاحظه يابنات
لاتشترون الصدور المجمده ساديا ورضوى وماادري وشو..اشتروا الطازج
في صدور وافخاذ بس تكون طازجه مبرده مو مجمده افضل واطرى والله
نرجع للموضوع,,جيبي قدر حطي شوي زيت احمسي بصل مفروم او شرائح اللي تحبين
مع ثوم مفروم مع الدجاج واضيفي الخضار اللي تحبين
ملفوف ,, فلفل رومي ,, بصل اخضر ,,زهره بس اسلقيها قبل ,,كوسا ,,جزر
احمسيهم كلهم بس مو مره لاتستوي الخضار
اضيفي ملح وبهار اللي تحبين مع شوي صلصة صويا,,
حطيهم كلهم فوق البطاطس بالصينية,,
الطبقه الاخيره: اخلطي علبة قشطه مع ملعقتين اكل جبن سائل وشوي حليب سائل
صبيهم فوق الصينية ورشي الوجه بجبن مبشور يا تشدر يامازورلا او الاثنين
قصدريها ودخليها الفرن تقريبا ربع ساعه او الين تنشف المويه
بعدين شيلي القصدير خلي الوجه يتحمر,, وبس الف صحه وعافيه
معليش ترا كلامي كثير لكنها سهلللللللللله وطعمها اكثر من رائع صدقوني
هاذي صورتها معليش مالها صوره واضحه صورتها وهي على السفره مستعجله,,
تسلم ايدك