حبيت اقولكم طريقتي في عمل صينية البطاطس والدجاج بالبشمل
مااطول عليكم ببدء
بالمقادير :
دجاج على حسب عددكم بالنسبه ليا انا وزوجي احط نص دجاجه
8 بطاطس كبار او اكثر على حسب
بصلتين كبار +3 فص ثوم
2 طماطم + 2 فلفل حار
بهارات (ملح - كمون - فلفل اسود - قرفه - ماجي - اي بهارات اضافيه)
الطريقـــــــه:
اول شي نقطع البصل شرائح والثوم وواحد من الفلفل الحار والفلفل الثاني نحطه كامل من غير تقطيع نحطها في قدر الضغط مع زيت ذره الين يذبل البصل ويصفر شوي
بعدين ناخذ الدجاجه ونقطعها ارباع والربع نقطعه بالنص تسير قطع صغار ونحطها على البصل ونحط الماجي والبهارات كلها واخليها مع بعض 5 دقايق تقريبا
وفي الوقت هذا ناخذ الطماطم ونقطعها شرائح ونحطها على الدجاج والبصل مع نص ملعقه صلصة الطماطم ونخليها شوي ونحط شوي مويه مو كثير يعني نص كاسه تقريبا ونضغط عليها لمدة ساعه الا ربع
وفي الوقت هذا ناخذ البطاطس ونقطعه شرائح دوائر تكون رقيقه ,, ونحط الزيت على النار الين يسير حار ونبدأ نقلي البطاطس
والحين كل شي سار جاهز ناخذ صينيه ونحط الدجاج كله فيها الي في قدر الضغط ونوزعه في الصينيه وناخذ البطاطس طبعا ننشف الزيت منه ونحطه في الصينيه ونوزعه بين الدجاج وفوقه بشكل عشوائي
نجي الحين على خلطة البشاميل :
علبة قشطة
ملعقتين كبيره جبنه سائله
ملعقه كبيره مايونيز
نحطها في خلاط البصل ونحطها على كل الدجاج والبطاطس ونحطها في الفرن من فوق الين تاخذ لون حلو من فوق تحمر شوي
وهذا شكلها النهائي
7
7
7
7
وبالهنا والعافيه
ان شاءلله مااكون طولت عليكم واتمنى تجربوها وتدعولي بالذريه الصالحه يــــــــــارب